«Ազատամարտիկների եւ զորացրված զինծառայողների խնդիրները ոչ թե լուծվում են, այլ գնալով էլ ավելի հավաքվում են իրար գլխի»,- հոկտեմբերի 12-ին «Նոյյան տապան» մամուլի ակումբում լրագրողների հետ հանդիպման ընթացքում ասաց «Ազատամարտիկների եւ զորացրված զինծառայողների իրավունքների պաշպանություն» հասարակական կազմակերպության նախագահ Ռազմիկ Ռուշանյանը:
Նա նշեց, որ 24 ազատամարտիկ եւ զորացրված պայմանագրային զինծառայող դիմել է իրեն բնակարան ստանալու հարցով. «Պաշտպանության նախարարությունը չի մերժում, ասում է՝ կանենք, կտանք, բայց երբ, Աստված գիտի: Իսկ օրենքը հստակ ասում է՝ զինծառայողը հաշվառված է բնակարանի հարցով, ապահովվում է: Բոլորս հասկանում ենք, որ «ապահովվում է»-ն ներկա ժամանակ է: Այսինքն՝ եթե այսօր է այդ մարդն ազատվել, եւ քանի որ այս տարվա պետական բյուջեն հաստատված է, ուրեմն՝ պետք է մտնի հաջորդ տարվա պետական բյուջեի մեջ»:
Ռազմիկ Ռուշանյանը հայտնեց, որ բոլոր խնդիրները բուժվարչության հետ լուծվել են, իսկ սոցիալական վարչությունում սարսափելի վիճակ է:
Անդրադառնալով նոր կառավարությանը՝ նա ասաց, որ զգացմունքները հակասական են. «Սկզբից լավ տպավորություն թողեց, բայց վարչապետի հայտարարությունից հետո ոչ մի առաջընթաց չկատարվեց: Առաջին հերթին անհրաժեշտ է քաղաքական կամք, ես այդ քաղաքական կամքը չեմ տեսնում»:
Կարդացեք նաև
Ամի ՉԻՉԱԿՅԱՆ
Լուսանկարը՝ «Նոյյան տապանի»:
