Լրահոս
Օրվա լրահոսը

ՀԱՊԿ հայտարարությունը՝ հակահրթիռային պաշտպանության համակարգերի տեղակայման վերաբերյալ

Հոկտեմբեր 17,2016 15:47

Հավաքական անվտանգության պայմանագրի կազմակերպության (ՀԱՊԿ) անդամ-երկրներն իրենց մտահոգությունն են հայտնել աշխարհում համընդհանուր կայունության վրա ազդող գործոնների աճի, մասնավորապես տարբեր տարածաշրջաններում հակահրթիռային պաշտպանության (ՀՀՊ) համակարգերի տեղակայման կապակցությամբ: Այս մասին ասվում է ՀԱՊԿ անդամ-երկրների համատեղ հայտարարության մեջ, որը տեղադրված է կազմակերպության կայքում:

«Մենք մատնանշում ենք հակահրթիռային պաշտպանության ոլորտում իրավիճակի բացասական զարգացումը: Ռազմավարական ՀՀՊ համակարգերի միակողմանի ավելացումը և դրանց տեղակայումն աշխարհի տարբեր տարածաշրջաններում կարող են անբարենպաստ ազդեցություն ունենալ ուժերի միջազգային և տարածաշրջանային հավասարակշռության վրա, դիպչել շատ պետությունների անվտանգության շահերին, խարխլել հրթիռների և հրթիռային տեխնոլոգիաների տարածման դիմակայության համար բազմակողմանի քաղաքական-դիվանագիտական մեթոդների մշակման և կիրառման հիմքերը:

Հավաքական անվտանգության պայմանագրի կազմակերպության անդամ-պետությունները դեմ են հանդես գալիս նման քայլերին և անթույլատրելի են համարում այլ պետությունների անվտանգության հաշվին սեփական անվտանգությունն ապահովելու փորձերը»,- ասվում է հաղորդագրության մեջ:

Պատրաստեց՝ Վիկտորյա ԱՆԴՐԵԱՍՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2016
Երկ Երե Չոր Հնգ Ուրբ Շաբ Կիր
« Սեպ   Նոյ »
 12
3456789
10111213141516
17181920212223
24252627282930
31