ՊՆ խոսնակ Արծրուն Հովհաննիսյանը հերքում է «Աջակցենք սահմանամերձ բնակավայրերին» քաղաքացիական նախաձեռնության անդամ Սոֆյա Հովսեփյանի հայտարարությունը, թե ապրիլյան պատերազմում կան զոհված երիտասարդներ, որոնց մահվան վկայականներում նույնիսկ գրված չէ, որ մարտական գործողությունների ժամանակ են զոհվել:
«Նման բան չկա, լավ էլի, նման բան գոյություն չունի»,- վստահեցրեց Արծրուն Հովհաննիսյանը,- «Սահմանված օրենքով չեն գրում պատերազմ կամ ոչ պատերազմ, գրում են մարտական գործողություն: Իսկ եթե մարտական գործողություն չգրեն, ինքը այն չորս միլիոնն էլ չէր ստանա»:
Անդրադառնալով այն հայտարարությանը, թե պատերազմի մասնակիցների ընտանիքները անտերության ու անուշադրության են մատնված՝ պարոն Հովհաննիսյանը շարունակեց. «Այդ մարդիկ պաշտպանության նախարարության ուշադրության կենտրոնում են միշտ եղել ու կշարունակեն լինել: Այո՛, մեր բոլորիս պարտքն է ավելի շատ ուշադրություն դարձնենք իրենց՝ թե ֆինանսապես, թե հոգեպես»:
Կարդացեք նաև
Արփինե ՍԻՄՈՆՅԱՆ
Լուսանկարը՝ Գագիկ ՇԱՄՇՅԱՆԻ
