Լրահոս
Օրվա լրահոսը

«Պետք է կրճատել պետական համակարգում աշխատողների քանակը, նրանք հավելյալ արժեք չեն ստեղծում». Հակոբ Հակոբյան (Տեսանյութ)

Հոկտեմբեր 21,2016 11:47

ԱԺ-ում կառավարության ծրագրի քննարկումը շարունակվում է: Արտահերթ ելույթով հանդես եկավ ԱԺ նախագահ Գալուստ Սահակյանը: Նա շնորհավորեց կառավարությանը եւ կոչ արեց՝ հավանություն տալ կառավարության ծրագրին:

ՀՀԿ պատգամավոր Հակոբ Հակոբյանն էլ կառավարությանը շնորհակալություն հայտնեց, որ չի պարտադրել 500 էջ կառավարության ծրագիրը կարդալ, այլ՝ մոտ 30 էջանոց տարբերակով է բավարարվել:

Հակոբ Հակոբյանը գտնում է, որ աղքատությունը, որը 60 տոկոսից տքնաջան աշխատանքի շնորհիվ դարձրել են 30 տոկոս, ավելի կրճատելու համար պետք է հետեւյալ քայլերն անել. «Պետք է կրճատել պետական համակարգում աշխատող մարդկանց քանակը, որովհետեւ նրանք հավելյալ արժեք չեն ստեղծում: Պատկերացրեք մի պետություն, որի երկու ձեռքերը ձախ կողմում են, աջը ոչինչ չունի: Հիմա հարկավոր է պետության երկու ձեռքերը դնել իրենց տեղերը, որ ամեն ձեռքը ֆունկցիոնալ կատարի այն, ինչ պետք է անի: Մարդիկ, որոնք ազատվում են, նրանց համար պետք է ստեղծել աշխատատեղ: Հողի ապրող մարդը պետք է զբաղվի հողագործությամբ: Քաղաքում ապրող բնակիչը պետք է կրթություն ստանա այնքան, որ կարողանա զբաղվել փոքր ու միջին բիզնեսով: Պետք է զբաղեցնել մարդկանց»:

Հակոբ Հակոբյանն ասաց, որ եթե մենք պարենային ապրանքի 1 տոկոս գնաճ ենք ունենում, հասարակությունը կորցնում է 15 մլրդ դրամ: Գնաճ չունենալու համար պետք է ինքդ արտադրես քեզ հասանելիք ապրանքը: Կդառնաս պոտենցիալ արտահանող. «1 դոլար արտահանվող ապրանքը հավասար է 1.3 դոլար ներմուծվող ապրանքին»:

Պատգամավորը նշեց, որ կառավարության ծրագրի մասին բացասական ելույթ համարյա չի լսել. «Կախարդական փայտիկ ոչ մեկը չունի եւ չի կարող ունենալ, բայց միասնությունը, հանուն նպատակի համատեղ փոխըմբռնումը կծառայի քաղաքական այն նպատակին, որի անունը կախարդական փայտիկ է»:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2016
Երկ Երե Չոր Հնգ Ուրբ Շաբ Կիր
« Սեպ   Նոյ »
 12
3456789
10111213141516
17181920212223
24252627282930
31