Լրահոս
Օրվա լրահոսը

ՀՀ Անկախության 25-ամյակը՝ երիտասարդների մտքերում և պաստառներում

Հոկտեմբեր 21,2016 13:55

«Անկախությունը սկսվում է ազատությունից», «Անկախ լինել նշանակում է միշտ առաջ շարժվել», «Կառուցենք լրացնելով». այսպիսի մակագրություններով 50 պաստառներ չորս օր կցուցադրվեն Հայաստանի երիտասարդական հիմնադրամի (ՀԵՀ) նախասրահում:
Հոկտեմբերի 21-ին հիմնադրամում բացվեց ՀՀ անկախության 25-ամյակին նվիրված պաստառների շրջիկ ցուցահանդեսը: Ներկայացված են Երևանի գեղարվեստի պետական ակադեմիայի (ԵԳՊԱ) ուսանողների կողմից պատրաստված, ՀՀ անկախության թեմայով 50 պաստառներ։

Ծրագիրն իրականացրել են Հայաստանի երիտասարդական հիմնադրամը և Երևանի գեղարվեստի պետական ակադեմիայի ուսանողական խորհուրդը։

ՀԵՀ հոգաբարձուների խորհրդի համակարգող, ՀՀ ԱԺ պատգամավոր Կարեն Ավագյանը տեղեկացրեց, որ ՀՀ անկախության տոներին նվիրված ՀԵՀ-ը հանդես է եկել մի շարք միջոցառումներով. բոլոր այն ուսանողական կառույցները, որոնք ունեցել են Անկախության տոնին նվիրված միջոցառումներ, աջակցություն են ստացել հիմնադրամի կողմից. «Այս աշխատանքները յուրահատուկ են նրանով, որ երիտասարդները ունեցել են 25-ամյակին նվիրված որոշակի մտքեր, որոնք ներկայացրել են դիզայնի, նկարի, պաստառի տեսքով, ինչը ժամանակի ընթացքում դառնում է մնայուն: Այս ստեղծագործությունները կներկայացվեն նաև մեր տարբեր ծրագրերի ու միջոցառումների ընքացքում՝ որպես առանձնացված աշխատանքեր»:

Կարեն Ավագյանը վստահեցրեց, որ ուսանողներին հնարավորություն է տրվել մտքերում ու գաղափարներում լինել ազատ, ինչի արդյունքում ծնվել են հրաշալի ստեղծագործություններ. «Սա միտք է, որ գալիս է անկախ սերնդից և անկախ սերնդի պատկերացումներն են անկախության հետ կապված: Երիտասարդական տոները գալու են լրացնելու այն ծրագրերը, որոնք սկսվել ու չեն ավարտվել»:

Կարեն Ավագյանը տեղեկացրեց, որ նախապատրաստվում են երիտասարդական տոներին, որոնք անցկացվելու են նոյեմբերի 10-17-ը և նվիրվելու են Անկախության 25-ամյակին. «Բազե» երիտասարդական հավաքը ևս նվիրվեց Անկախության 25-ամյակին: Մի խոսքով, երիտասարդության և ուսանողության տոներով ամփոփելու ենք 25-ամյակի առթիվ զարկ տրված երիտասարդական միջոցառումների շարքը»:

????????????????????????????????????

ԵԳՊԱ ուսանողական խորհրդի նախագահ Էդուարդ Ավետիսյանը տեղեկացրեց, որ դեռ մայիսից դիզայն և համակարգչային նախագծում առարկայի շրջանակներում բուհի ուսանողներին առաջադրանք է տրվել պատրաստել ՀՀ անկախության 25-ամյակին նվիրված պաստառներ: Դրանց տպագրությանն աջակցել է ՀԵՀ-ը:

Էդուարդ Ավետիսյանի կարծիքով՝ այսպիսի ցուցահանդեսներն օգտակար են ուսանողների համար ինքնադրսևորվելու և ճանաչում ձեռք բերելու առումով. «Գեղանկարի, գրաֆիկայի, քանդակի ցուցահանդեսներ հաճախ կազմակերպվում են, որոնց ընթացքում երիտասարդները կարողանում են ցուցադրել իրենց աշխատանքները, սակայն այս բնագավառում դեռ քիչ են կազմակերպվում ցուցադրություններ, ինչի պատճառով ուսանողները հնարավորություն չեն ունենում ցուցադրել իրենց աշխատանքները: Մեր ցուցահանդեսը նաև այդ խնդիրն է լուծում»:

ԵԳՊԱ կիրառական դիզայնի բաժնի 4-րդ կուրսի ուսանողուհի Սաբինա Կարապետյանի աշխատանքը ևս ներկայացված է ցուցահանդեսում: Նա այս առիթով ասաց. «Այս ցուցահանդեսի շնորհիվ ավելի շատ ենք սկսում զգալ՝ ինչ է անկախությունը, գնահատել այն և ունենալ մտքի ազատություն»:

Տեղեկացնենք, որ Կարեն Ավագյանը ցուցահանդեսի բացման արարողությանը խոստացավ, որ հնարավորություն կտրվի շրջիկ ցուցահանդեսը կազմակերպել նաև հիմնադրամի մարզային երիտասարդական կենտրոններում:

 

Հայաստանի երիտասարդական հիմնադրամի
հասարակայնության հետ կապերի ծառայություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2016
Երկ Երե Չոր Հնգ Ուրբ Շաբ Կիր
« Սեպ   Նոյ »
 12
3456789
10111213141516
17181920212223
24252627282930
31