ՀՀ ԱԺ տնտեսական հարցերի մշտական հանձնաժողովը Վարդան Այվազյանի նախագահությամբ առաջին ընթերցմամբ քննարկել է ԱԺ պատգամավորներ Միքայել Մելքումյանի, Նաիրա Զոհրաբյանի եւ Լյովա Խաչատրյանի հեղինակած «Նաիրիտ գործարան» փակ բաժնետիրական ընկերության գործունեության եւ կառավարման հատուկ ռեժիմ սահմանելու մասին» օրինագիծը: Ըստ հիմնական զեկուցող Միքայել Մելքումյանի՝ առաջարկվում է «Նաիրիտ գործարան» փակ բաժնետիրական ընկերության վերաշահագործման եւ հետագա կենսունակության ապահովման նպատակով սահմանել ձեռնարկության գործունեության եւ կառավարման հատուկ ռեժիմ: Միաժամանակ, նախագծով առաջարկվում է ստեղծել Ազգային ժողովի ժամանակավոր հանձնաժողով, որը կուսումնասիրի «Նաիրիտ գործարան» փակ բաժնետիրական ընկերության գործունեությունը, ամրագրել գույքային համալիրի ամբողջականության ապահովումը եւ բացառել հիմնական միջոցների օտարումը` մինչեւ «Նաիրիտ գործարան» փակ բաժնետիրական ընկերության գույքային համալիրի` համապատասխան ներդրումային ծրագրով օտարումը, ինչպես նաեւ ապահովել ձեռնարկության հիմնական միջոցների շուկայական գնահատումը:
Նախագիծը ստացել է դրական եզրակացություն՝ ԱԺ նստաշրջանի եւ հոկտեմբերի 24- 27-ի նիստերի օրակարգերի նախագծերում ընդգրկվելու համար:
Պատգամավորները ՀՀ հանրային ծառայությունները կարգավորող հանձնաժողովի նախագահ Ռոբերտ Նազարյանի ներկայացմամբ քննարկել են հանձնաժողովի 2017 թվականի գործունեության ծրագիրը, ապա Հայաստանի Հանրապետության տնտեսական մրցակցության պաշտպանության պետական հանձնաժողովի 2017 թվականի տարեկան գործունեության ծրագիրը, որը ներկայացրել է հանձնաժողովի նախագահի տեղակալ Պավել Ղալթախչյանը: Զեկուցողները պատասխանել են նաեւ պատգամավորների հարցերին:
Հանձնաժողովը ծրագրերն ընդունել է ի գիտություն:
Կարդացեք նաև
ԱԺ հաղորդագրություն
