Լրահոս
Օրվա լրահոսը

ՀՀԿ-ական երիտասարդները հանդիպել են գերմանիացի պատգամավորների հետ

Հոկտեմբեր 22,2016 17:24

Հոկտեմբերի 16-21-ը գերմանական Կոնրադ Ադենաուեր հիմնադրամի վրաստանյան գրասենյակի նախաձեռնությամբ տեղի է ունեցել Հարավային Կովկասի երիտասարդ քաղաքական գործիչների ճանաչողական-կրթական այցը Գերմանիա:

Ծրագիրը բաղկացած է եղել ամառային և ձմեռային դպրոցներից և ամփոփվել է Բեռլինում: Նախաձեռնությանը մասնակցել են Հայաստանի, Վրաստանի և Ադրբեջանի տարբեր կուսակցությունների երիտասարդ ներկայացուցիչներ: Ծրագրին ՀՀԿ երիտասարդական կազմակերպությունը ներկայացրել են Անահիտ Թունյանը, Գրիգոր Ոսկերչյանը և Սմբատ Ղահրամանյանը:

Այցի շրջանակներում երիտասարդները հանդիպել են Գերմանիայի «Քրիտոնեադեմոկրատական միություն» կուսակցության պատգամավորների, պետական բարձրաստիճան պաշտոնյաների, տարածքային կառույցների ղեկավարների և ՏԻՄ ներկայացուցիչների հետ, որի ժամանակ ՀՀԿ ԵԿ ներկայացուցիչները ներկայացրել են ՀՀԿ կառուցվածքը, պատմությունը և գաղափարախոսությունը:

Ճանաչողական հանդիպումներ են եղել նաև Բունդեսթագում, Կանցլերի նստավայրում, արտաքին գործերի նախարարությունում և պետական կառավարման այլ օղակներում:

ՀՀԿ ԵԿ ներկայացուցիչներն ակտիվորեն մասնակցել են բոլոր քննարկումներին` ներկայացնելով Հայաստանի արտաքին քաղաքական օրակարգը, ԼՂՀ հարցի վերաբերյալ պաշտոնական Երևանի տեսակետը, հայ ազգի շահերն ու հետաքրքրությունները, ինչպես նաև Հայաստանում տեղի ունեցած սահմանադրական բարեփոխումներն ու քաղաքական փոփոխությունները:

ՀՀԿ երիտասարդական կազմակերպություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2016
Երկ Երե Չոր Հնգ Ուրբ Շաբ Կիր
« Սեպ   Նոյ »
 12
3456789
10111213141516
17181920212223
24252627282930
31