Լրահոս
Օրվա լրահոսը

Առողջ ապրելակերպի վարակը կարող է համաճարակի վերածվել (ֆոտոշարք)

Հոկտեմբեր 22,2016 18:22

«Կյանքը՝ սպորտի ռիթմով» խորագիրն է հավակնում կրել ՀՀ սպորտի եւ երիտասարդության հարցերի նախարարության եւ Հայաստանի աէրոբիկայի եւ ֆիթնեսի ազգային ասոցիացիայի համատեղ նախաձեռնությունը, որը նպատակ ունի առողջ ապրելակերպի վարակը տարածել ազգաբնակչության լայն շրջանակներում:

Միանգամից ասենք: Կարծես, այդ վարակը համաճարակի վերածվելու բոլոր նախադրյալներն ունի, քանի որ առաջին իսկ համատեղ նախաձեռնության հրավերին այսօր շուրջ ութ տասնյակ մարդ արձագանքեց: Կարեն Դեմիրճյանի անվան մարզահամերգային համալիրի հարակից տարածքում հավաքվել էին ե՛ւ երիտասարդներ,  ե՛ւ տարիքով մարդիկ, ե՛ւ երեխաներ: Նրանց մի մասը մարզումային փորձ ուներ, շատերն էլ առաջին անգամ էին սկսել մտածել իրենց առողջության մասին:

fotness5

Առողջ ապրելակերպի մի խումբ առաջատար մասնագետ-մարզիչներ են համախմբվել այս ծրագրի իրականացման շուրջ ու նրանց թիվը նույնպես առաջիկայում անկասկած կավելանա: Աէրոբիկայի եւ ֆիթնեսի ազգային ասոցիացիայի նախագահ Մարիամ Վարդանյանի խոսքերով, իրենք համախմբվել են առողջ ապրելակերպը տարածելու գաղափարի շուրջ: «Ճիշտ է, անընդհատ բացվող ֆիթնես ակումբները նույնպես աշխատում են այդ ուղղությամբ, սակայն զուտ ֆինանսական տեսանկյունից ամեն մարդ չի կարող այնտեղ հաճախել: Մենք այսուհետեւ ամեն շաբաթ օրը ազգաբնակչության համար կազմակերպելու ենք այսպիսի մասսայական մարզումները:

fitness4

Վայրն ու եղանակային պայմանները նշանակություն չունեն: Այսօր մարզվում ենք բացօթյա: Վաղը, երբ ձյուն լինի, փակ տարածքներ կգտնենք: Իսկ գարնան գալով, մասսայական մարզումները կտեղափոխենք նաեւ մայրաքաղաքի տարբեր այգիներ: Ֆեյսբուքում կտեղադրվեն միջոցառումների ծրագրերը, որոնց բնակչությունը կարող է ծանոթանալ, իմանալ, թե որտեղ ինչ բնույթի պարապմունքներ են լինելու եւ հաճախել այնտեղ», – ասաց Մարիամ Վարդանյանը եւ բնակչությանը հաջորդ շաբաթ օրը նույնպես ժամը 11:00-ին հրավիրեց մարզահամերգային համալիրի հարակից տարածք:

fitness3 fitness1

Աշոտ ՀԱԿՈԲՅԱՆ

 

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2016
Երկ Երե Չոր Հնգ Ուրբ Շաբ Կիր
« Սեպ   Նոյ »
 12
3456789
10111213141516
17181920212223
24252627282930
31