Լրահոս
Օրվա լրահոսը

«Սասնա ծռերին» օժանդակելու մեջ մեղադրվող Սերգեյ Հակոբյանը գրավի դիմաց ազատ կարձակվի

Հոկտեմբեր 24,2016 19:33

Վերաքննիչ քրեական դատարանը գրավի դիմաց ազատ է արձակել «Սասնա ծռեր» խմբավորմանը օժանդակելու գործով մեղադրյալ Սերգեյ Հակոբյանին: Այս մասին Aravot.am-ի եւ «Ա1+»-ի հետ զրույցում ասաց վերջինիս պաշտպան Տիգրան Հայրապետյանը:

«Առաջին ատյանի դատարանը կալանքը երկարացրել էր 2 ամիս ժամկետով, բողոքարկվել էր դատական ակտը: Մենք այդ ժամանակ առաջին ատյանում գրավ կիրառելու միջնորդություն էինք ներկայացրել, ներկայացրել էինք պատշաճ փաստաթղթեր, երաշխավորություններ, դատարանը դա էլ էր մերժել: Նախագահող դատավոր Կարինե Ղազարյանը երկու անգամ նիստը հետաձգեց, մինչեւ դատախազի հիմնավորումները լսի: Դատախազը եկավ նույն հիմնավորումներն ասաց, որ առաջին ատյանի որոշումն օրինական է, հիմնավորումներն ասաց, որ կա հիմնավոր կասկած: Դատարանը որոշեց մեր բողոքը մասնակի բավարարել՝ գրավ կիրառելու մասով»,- ասաց նա:

Տիգրան Հայրապետյանը նշեց, որ Սերգեյ Հակոբյանը հեռախոսազանգ էր ստացել ոստիկանության ՊՊԾ գնդի տարածքից. «ՊՊԾ գնդից մեկը զանգահարել էր իր ծանոթին, այդ ծանոթը զանգահարել էր այդ տղային»:

Սերգեյ Հակոբյանը դեռ ազատության մեջ չէ՝ 1 միլիոն գրավը մուծելուց հետո ազատ կարձակվի: Տիգրան Հայրապետյանը նշեց, որ բավարար դատական ակտն էլ չկա, դատական ակտը ստանալուց հետո՝ առաջիկա օրերին, իր պաշտպանյալն ազատ կարձակվի:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Հ.Շ. says:

    1 միլիոն… ի՞նչ… ՀՀ դրա՞մ, թէ…

    որովհետեվ այս նոյն փաստաբանը 1 միլիոն տոլարի գրավով մըն ալ փորձեց մի այլ հաճախորդ դուրս հանել…

Պատասխանել

Օրացույց
Հոկտեմբեր 2016
Երկ Երե Չոր Հնգ Ուրբ Շաբ Կիր
« Սեպ   Նոյ »
 12
3456789
10111213141516
17181920212223
24252627282930
31