Վերաքննիչ քրեական դատարանը հոկտեմբերի 24-ին քննում էր նաեւ ոստիկանության ՊՊԾ գունդը գրաված «Սասնա ծռեր» խմբավորման անդամ Վարդան Գերավետյանի կալանքի երկարաձգման գործով բողոք:
Նրա պաշտպան Դավիթ Գյուրջյանը Aravot.am-ին հայտնեց, որ դատարանը մերժել է իրենց բողոքը՝ առաջին ատյանի դատարանի որոշումը ուժի մեջ թողնելով: Դավիթ Գյուրջյանը նշեց, որ Վարդան Գերավետյանը ներկա է եղել դատական նիստին, սակայն որեւէ հայտարարությամբ հանդես չի եկել:
Հետաքրքրվեցինք, թե արդյոք պատրաստվում է գրավի միջնորդություն ներկայացնել, Դավիթ Գյուրջյանը պատասխանեց, որ արդեն ներկայացրել է եւ գրավի միջնորդությունն էլ է մերժվել: Փաստաբանը հավելեց, որ պատրաստվում է դատարանի որոշումը բողոքարկել Վճռաբեկ դատարան:
Հիշեցնենք՝ Վարդան Գերավետյանին մեղադրանք է առաջադրվել ՀՀ քրեական օրենսգրքի 218 հոդվածի 3-րդ մասի 1-ին կետով, այն է՝ պատանդ վերցնելը եւ 235 հոդվածի 3-րդ մասով՝ ապօրինի զենք զինամթերք ձեռք բերել, իրացնել, պահել եւ փոխադրելը:
Կարդացեք նաև
Ամի ՉԻՉԱԿՅԱՆ
