Հարկադիր կատարման ծառայությունը հորդորում է զերծ մնալ ապատեղեկատվություն տարածելուց

Սույն թվականի հոկտեմբերի 26-ին Aravot.am էլեկտրոնային կայքում հրապարակված «Հոգեկան խնդիրներ ունեցող հաշմանդամի տունն աճուրդի է հանվել, իսկ նա տեղյակ չի» վերտառությամբ հոդվածի վերաբերյալ ՀՀ ԱՆ դատական ակտերի հարկադիր կատարումն ապահովող ծառայությունը հայտնում է, որ Ռաֆայել Նալբանդյանից գումար բռնագանձելու վերաբերյալ կատարողական վարույթը դեռեւս 25.09.2016թ. կարճվել է «Դատական ակտերի հարկադիր կատարման մասին» ՀՀ օրենքի 42-րդ հոդվածի 1-ին մասի 8-րդ կետի հիման վրա, քանի որ պարտապան Ռաֆայել Նալբանդյանը ՀՀ Երեւան քաղաքի Էրեբունի եւ Նուբարաշեն վարչական շրջանների ընդհանուր իրավասության դատարանի 06.09.2016թ. թիվ ԵԷԴ/0122/04/16 վճռով ճանաչվել է սնանկ։

Հետեւաբար, Հարկադիր կատարման ծառայությունը որեւէ առնչություն չունի հոդվածում նշված նոյեմբերի 10-ին կայանալիք աճուրդի հետ։

ԴԱՀԿ ծառայությունը եւս մեկ անգամ հորդորում է զանգվածային լրատվամիջոցներին՝ ձեռնպահ մնալ ապատեղեկատվության տարածումից։

Կարդացեք նաև

«Այսինքն՝ Արման Բաբաջանյանին չե՞ն գտել, փախա՞ծ է նա, հետախուզո՞ւմ է հայտարարված, ի՞նչ է արված։ Ոչ մի բացատրություն չկա»․ Արծվիկ Մինասյանը ԱԺ-ում՝ ՀՅԴ-ի բոլոր անդամներից ներողություն խնդրելու ակտի կատարման մասին

• 12:21 20.02.2024

Ձեր չարչարանքի և փայլուն աշխատանքի արդյունքում պետությունն անցյալ տարի ստացել է 600մլն․ դրամի շահույթ. արդարադատության նախարարը՝ ԴԱՀԿ-ին

• 21:13 21.01.2022

Հարկադիր կատարման ծառայությունում տեղի է ունեցել լեզվակռիվ, վիճաբանություն. նշանակվել է ծառայողական քննություն. «Ժողովուրդ»

• 10:23 16.07.2021

«Առավոտ»

29.10.2016