Ծաղկաձորում հոկտեմբերի 29-30-ին «Քաղաքացիական համաձայնություն» ՀԿ-ի եւ Երեւանում Մեծ Բրիտանիայի Միացյալ Թագավորության դեսպանատան հետ համատեղ կազմակերպած` «Հայաստան-Թուրքիա հարաբերությունների կարգավորում. մարտահրավերներ եւ հեռանկարներ» թեմայով սեմինարի ընթացքում Տարածաշրջանային հետազոտությունների կենտրոնի առաջատար փորձագետ, Հայաստանի ԱԱԾ նախկին ղեկավար, ՀՀ նախագահի հատուկ հանձնարարություններով նախկին դեսպան Դավիթ Շահնազարյանն անդրադարձավ Լեռնային Ղարաբաղի խնդրի կարգավորման գործընթացի շուրջ վերջին զարգացումներին, ԵԱՀԿ Մինսկի խմբի համանախագահների տարածաշրջանային այցելությանը:
Հոկտեմբերի սկզբին Ադրբեջանի նախագահ Իլհամ Ալիեւը կառավարության նիստում խոստովանել էր, որ բանակցությունների ժամանակ իր վրա ճնշում են գործադրում՝ պահանջելով ճանաչել Լեռնային Ղարաբաղի անկախությունը: «Փակ դռների ետեւում մեզ վրա ճնշում են գործադրում՝ ստիպելով ճանաչել Լեռնային Ղարաբաղի անկախությունը: Մենք շատ մանրամասներ չենք բացահայտում, քանի որ գոյություն ունեն դիվանագիտության կանոններ: Ադրբեջանը երբեք չի համաձայնի դրան», ասել էր Ադրբեջանի նախագահը:
Անդրադառնալով Ալիեւի վերոնշյալ հայտարարությանը` պարոն Շահնազարյանն այն այսպես գնահատեց. «Ալիեւը տվայտանքների մեջ է, երբ նշում է, որ իր նկատմամբ ճնշումներ են իրականցվել, որպեսզի ճանաչի Լեռնային Ղարաբաղի անկախությունը: Դրանից հետո, արդեն «ՌԻԱ Նովոստի»-ում` Դմիտրի Կիսելյովին տված հարցազրույցում Ադրբեջանի նախագահը խոսեց արդեն ինքնավարության տրամադրման մասին, բայց մեր մամուլը միայն այդ դրվագի վրա կենտրոնացավ, մինչդեռ այնտեղ ավելի կարեւոր, Պուտինին հղված ուղերձ կար, որի իմաստը հետեւյալն էր մենք պատրաստ ենք անդամակցել Եվրասիական միությանը, եթե վերադառնաք «Լավրովի պլանին»` տարածքների վերադարձին»:
Թեմայի մանրամասները` նոյեմբերի 2-ի տպագիր «Առավոտ»-ում:
Կարդացեք նաև
ԷՄՄԱ ԳԱԲՐԻԵԼՅԱՆ
