Չնայած դրան, այդ ցուցանիշով Հայաստանը շարունակում է մնալ երկրորդը տարածաշրջանում, Վրաստանից հետո և առաջինը՝ ԱՊՀ տարածքում:
Հայաստանում ինտերնետը շարունակում է մնալ ազատ, թեև նախորդ տարվա համեմատ, որոշակի անկում է արձանագրվել, փաստում է «Ֆրիդոմ Հաուզ» իրավապաշտպան կազմակերպության այս տարվա զեկույցը: Բացթողումների շարքում հեղինակավոր կազմակերպությունը հիշատակում է առցանց ցույցերը լուսաբանող լրագրողների նկատմամբ ոստիկանության հարձակումներն ու անցած հուլիսին ոստիկանության ՊՊԾ գնդի տարածքի գրավման ժամանակ «Ֆեյսբուք»-ի կարճատև արգելափակումը:
Զեկույցը նաև նշում է՝ «Հայաստանում հիմնադրված օնլայն լրատվամիջոցները կարող են ենթարկվել ֆինանսական ու քաղաքական ճնշումների: Ինչպես և ավանդական լրատվամիջոցների՝ հեռուստատեսության ու տպագիր մամուլի պարագայում, ինտերնետային լրատվամիջոցների լրագրողներին էլ, որոշ դեպքերում, թույլ չի տրվում հակադրվել խմբագրական գծին, որը շատ հաճախ որոշվում է այս կամ այն քաղաքական ուժի կողմից»:
Բովանդակային սահմանափակումներին անդրադառնալիս, «Ֆրիդոմ Հաուզ»-ը հիշատակում է նաև ապրիլյան կարճատև պատերազմի ժամանակ պաշտպանության նախարարության հորդորը՝ զերծ մնալ օնլայն քննարկումներից՝ հակառակորդին գաղտնի տեղեկատվություն չփոխանցելու համար:
Կարդացեք նաև
Մանրամասներին կարող եք ծանոթանալ՝ «Ազատություն» ռ/կ-ի կայքում:
