Լրահոս
Օրվա լրահոսը

Կրակոցներ Էջմիածնում

Նոյեմբեր 17,2016 11:34

Aravot.am-ի տեղեկություններով՝ նոյեմբերի 14-ի երեկոյան Արմավիրի մարզի Զվարթնոց գյուղի դպրոցի մերձակայքում վիճաբանություն է եղել, հնչել են նաեւ կրակոցներ: Ըստ մեր տեղեկությունների՝ «հակամարտող» կողմերից մեկը տոկոսով դոլար տվող ոմն Ռաֆոյի կողմնակիցներն են: Կրակոցների ժամանակ վնասվել է ոմն Աշոտ Աբգարյանի որդու մեքենան:

Տեղում շրջանառվող խոսակցությունների համաձայն՝ յուրաքանչյուր կողմից մոտ 20 մարդ է մասնակցել ծեծկռտուքին: Տեղացիների պնդմամբ՝ կրակոցներ են եղել եւ ավտոմատից, եւ գազային ատրճանակից: Տեղեկություններ կան նաեւ, որ այսօր առավոտյան մեկ կասկածյալ ձերբակալվել է:

Ոստիկանության լրատվության եւ հասարակայնության հետ կապերի վարչությունից Aravot.am-ին փոխանցեցին, որ դեպքի առիթով ոստիկանությունը ահազանգ չի ստացել, սակայն շրջանառվող լուրերի հիման վրա հետաքննություն է սկսվել, հանգամանքները պարզվում են:

Ձերբակալված կասկածյալի մասին մեր տեղեկությունը ոստիկանությունում խոստացան ճշտել:

Ի դեպ, ըստ տեղում շրջանառվող լուրերի՝ վիճաբանությունը սկսվել է թմրանյութերի պատճառով:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2016
Երկ Երե Չոր Հնգ Ուրբ Շաբ Կիր
« Հոկ   Դեկ »
 123456
78910111213
14151617181920
21222324252627
282930