Հանրակրթական դպրոցներում համաճարակներով պայմանավորված՝ ուսուցիչներին առողջապահության մասնագետների մշտադիտարկմանն աջակցելու առաջարկ մշտապես անում է առողջապահության նախարարությունը, ԿԳՆ-ին ուղղված այլ առաջարկ այս պահի դրությամբ չկա: Այս մասին այսօր ԿԳՆ-ում լրագրողների հետ հանդիպմանն ասաց նախարարության հանրակրթության վարչության պետ Նարինե Հովհաննիսյանը:
Նա շեշտեց, որ միայն ԱՆ առաջարկով կարող են դասերը ժամանակավորապես դադարեցնել, իսկ նման առաջարկ այսօր չկա. «Բոլոր դպրոցները ընդգրկված են ստուգումների մեջ: Բժիշկները հենց դպրոցի դռան մոտ ստուգումներ են անում: Եթե հիվանդ են, տուն են ուղարկում»:
Ինչ վերաբերում է աշակերտների բացակայությամբ պայմանավորված դասապրոցեսը ժամանակավորապես դադարեցնելուն, Նարինե Հովհաննիսյանը տեղեկացրեց, որ հարցումներ է արել ու պարզել, որ մի դպրոցում բացակայում է 16, մյուսում՝ 100 աշակերտ. «Թվերը շատ տարբեր են, դժվար է հարցն այս պահին լուծել: Մեկ շաբաթով ազատ արձակելը խնդրին չի օգնելու: Եթե համաճարակ է, ուրեմն երկար ժամանակով պետք է տանը մնան»:
Կարդացեք նաև
Լուիզա ՍՈՒՔԻԱՍՅԱՆ
