Արդարադատության նախարարության քրեակատարողական հիմնարկներում (ՔԿՀ) և մարմիններում հասարակական վերահսկողություն իրականացնող հասարակական դիտորդների խմբի 2014-2015 թվականների հաշվետվությունում դիտորդական խումբը նաեւ դատապարտյալների որոշ խմբերի նկատմամբ խտրական վերաբերմունքի դեպքեր է առանձնացրել:
Դիտորդական խմբի ուսումնասիրությունները ցույց են տվել, որ ՔԿՀ-ներում ազատազրկված անձինք ազատազրկումից կամ պատիժը կրելուց հետո կարող են համարվել խոցելի, քանի որ հասարակությունում վերաինտեգրվելու խնդիր ունեն:
«Հոգեկան խնդիրներ ունեցող անձինք, որոնք պահվում են նույնանման առողջական խնդիրներ ունեցող անձանց խցերում, շատ հաճախ ծաղրի են ենթարկվում եւ արժանապատվությունը նվաստացնող վերաբերմունքի են արժանանում ոչ միայն դատապարտյալների, այլեւ քրեակատարողական հիմնարկների աշխատակիցների կողմից: Կան խնդիրներ հենաշարժողական խնդիրներ ունեցող անձանց դեպքում, երբ չկան նրանց համար անհրաժեշտ պայմաններ: Քրեական օրենքներով չառաջնորդվող անձինք քրեակատարողական հիմնարկներում այլ դատապարտյալների կողմից պիտակավորումներ են ստանում, այդ անձինք իրենց դիմումի համաձայն առանձնացված խցեր են տեղափոխվում, իսկ այդ խցերը կոչվում են «թռածների» խցեր:
Նույնասեռական անձինք քրեակատարողական հիմնարկներում ամենաշատն են խտրական վերաբերմունքի արժանանում, նրանք, իրենց դիմումի համաձայն, տեղափոխվում են առանձնախցեր` նշելով իրենց սեռական կողմնորոշումը: Նույնասեռականների խցերում` որպես խտրականության դրսեւորում` արձանագրել էինք խցային պայմանները`կոտրված պատուհաններ, սանիտարահիգիենիկ պայմանների բացակայություն»,- հաշվետվությունում արձանագրել են դիտորդական խմբի անդամները:
Կարդացեք նաև
Հիշեցնենք, որ այսօր հաշվետվության շնորհանդեսն էր, ու խմբի անդամները ներկայացրին իրենց ուսումնասիրությունների արդյունքները:
Արփինե ՍԻՄՈՆՅԱՆ
//Քրեական օրենքներով չառաջնորդվող անձինք քրեակատարողական հիմնարկներում այլ դատապարտյալների կողմից պիտակավորումներ են ստանում … //
– Էս մեկը դժվար է ըմբռնել: Ինչքան որ գիտեինք ,,քրեական,, օրենքներով ,,առաջնորդվում,, էին քննիչներն ու դատավորները: Երեւի ուզեցել են ասել ,,գողական,, կամ հանցագործ աշխարհի չգրված ,,օրենքներ,,?
Լավ կլիներ ճշտեին: