Վարչական դատարանն այսօր շարունակեց ընդդեմ վերլուծաբան Արգիշտի Կիվիրյանի ՀՀ ոստիկանության հայցի քննությունը:
Ոստիկանությունը պահանջում է վարչական պատասխանատվության ենթարկել Կիվիրյանին, 2015 թվականի հունվարի 15-ին Վալերի Պերմյակովին ՀՀ օրենսդրությամբ դատելու պահանջով ՌԴ դեսպանատան մոտ տեղի ունեցած բողոքի ակցիայի ժամանակ ոստիկանի օրինական պահանջը չկատարելու համար:
Արամազդ Կիվիրյանը դատական նիստի ժամանակ ոստիկանության ներկայացուցչից պարզաբանումներ պահանջեց ակցիայի ժամանակ ոստիկանների գործողությունների իրավաչափության վերաբերյալ:
«Արգիշտի Կիվիրյանին բերման են ենթարկել ու ձերբակալել, ոստիկանությունը պատճառաբանում էր, որ դատախազության շենքի մուտքը փակվում էր, չնայած մեր կողմից ներկայացվել է նաեւ դատախազություն ուղարկված գրության պատասխանը, որտեղ նշված էր, որ դատախազության շենքն ունի երկու մուտք, այսինքն, եթե նույնիսկ դատախազության շենքի մուտքը փակվեր էլ, հնարավոր էր ելումուտը կազմակերպել մյուս մուտքից: Չնայած հավաքի մասնակիցներից որեւէ մեկը նպատակ չի ունեցել փակել դատախազության շենքի մուտքը, նպատակը եղել է իրենց ձայնը բարձրացնել իրենց ձայնը»:
Կարդացեք նաև
Արամազդ Կիվիրյանը ոստիկանության ներկայացուցչին նաեւ հարցադրում ուղղեց` վարչական վարույթի բոլոր նյութերը կազմվել են Կիվիրյանի ներկայությամբ, փաստեցին` այո, բայց պարոն Կիվիրյանը չհամոզվեց. «Նախ եւ առաջ ձերբակալման ժամերը ոստիկանության փաստաթղթերում տարբեր են, մի դեպքում գրանցված է ժամը 5-ին, մյուս դեպքում` 5:10: Վերջին ոստիկանն էլ, որը այդ գործով բացատրություն է տվել, ժամը 8:30-ին է ավարտել բացատրությունը… միայն ոստիկանության թղթերում երեւում է, որ Կիվիրյանին առնվազն 30 րոպե ավելի են պահել դեպքի օրը ոստիկանության բաժնում, իսկ ոստիկանի բացատրության ժամանակ Արգիշտի Կիվիրյանը մասնակից չի եղել»: Հաջորդ դատական նիստը նշանակվեց 2017 թվականի փետրվարի 15-ին:
Արփինե ՍԻՄՈՆՅԱՆ
«վելուծաբան»… տպաւորիչ, խորհրդավոր տիտղոս…
սա մէ՞կը ոնց են ստանում արդյոք Հայաստանում,
այս ե՞լ հատուկ վկայականով, որ հնարաւոր է գնել Վերնիսաժի հատուկ սեղաններից, շաբաթ օրերը…