Լրահոս
Օրվա լրահոսը

Ճանապարհային ոստիկաններ էլ չեն լինի. Ոստիկանությունում սպասվող նորամուծությունները

Դեկտեմբեր 08,2016 14:31

Այսօր ԱԺ-ում փոխոստիկանապետ Վարդան Եղիազարյանը հայտարարեց, որ ոստիկանությունում հայկական տարբերակով «շերիֆական ինստիտուտ» են ներդնում: Խոսքը համայնքային ոստիկանության մասին է, որը գործելու է համայնքներում: Փոխոստիկանապետն ասաց, որ ինստիտուտը դեռ կայացման փուլում է, անելիքներ ունեն:

Վարդան Եղիազարյանը վստահեցրեց, որ մեր երկրում ոստիկանությունը լրջորեն բարեփոխվել է, այնպես, որ ԵՏՄ անդամ երկրները մեզանից օրինակ են վերցնում: Նա բերեց անձնագրային եւ վիզաների վարչության բարեփոխման օրինակը. «Բազմիցս քարկոծված մեր ճանապարհային ոստիկանությունը պիտի նկատած լինեք, թե ինչ ձեւի, մեթոդների աշխատանքային ստիլ է որդեգրվել: Այստեղ մենք շատ լուրջ մտահղացում ունենք պարեկային ծառայության անցնելու: Այսինքն, ընդհանրապես ճանապարհային ոստիկանություն հասկացողությունը, ըստ երեւույթին, կվերանա եւ կլինի պարեկային ծառայություն, որը կզբաղվի ե՛ւ ճանապարհային ոստիկանությունով, ե՛ւ հասարակական կարգի ապահովմամբ»:

Վարդան Եղիազարյանն ասաց, որ ներկայումս ուսումնասիրում են միջազգային փորձը եւ քննարկում են, մտադիր են ստեղծել քրեական ոստիկանություն եւ հասարակական անվտանգության ոստիկանություն:

Փոխոստիկանապետը վստահեցրեց, որ տեղում կանգնած չեն, շարժվում են առաջ եւ աշխատում են ոչ միայն կրակը մարել, այլ անել այնպես, որ այդ կրակը չլինի:

Հռիփսիմե ՋԵԲԵՋՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2016
Երկ Երե Չոր Հնգ Ուրբ Շաբ Կիր
« Նոյ   Հուն »
 1234
567891011
12131415161718
19202122232425
262728293031