Մոսկվայի դրամատիկական թատրոնի՝ աշխատանքից հեռացված աշխատակիցները դատական հայց են ներկայացրել թատրոնի դեմ, որի գեղարվեստական ղեկավարը Արմեն Ջիգարխանյանն է: Այս մասին հաղորդում է «Starhit-ը:
Ըստ թատրոնի աշխատակիցների՝ իրենց աշխատանքից անօրինական են հեռացրել: Մասնավորապես, թատրոնում 20 տարի աշխատած Մարգարիտա Չերեսը պատմել է, որ իրեն կանչել են կադրերի բաժին և հանձնել աշխատանքային գրքույկը՝ «աշխատանքային պարտականությունների չկատարում» գրառմամբ:
«Իբր վատ եմ աշխատել. ժամանակին հանդերձանք չեմ տրամադրել, չեմ հետևել դրանց, չեմ լվացել… Բայց դա ճիշտ չէ… Ես հայց եմ ներկայացրել Գագարինի դատարան զրպարտության համար: Իհարկե, պարտվեցի դատը»,- պատմել է նա:
Չերեսի խոսքով՝ ավելի ուշ իրեն դիմել է թատրոնի ռեժիսորներից մեկը՝ Դմիտրի անունով, նրանք երկուսով պատրաստվում են երկրորդ անգամ դիմել դատարան՝ փոխհատուցում ստանալու համար:
Կարդացեք նաև
Բացի այդ, դատարան է դիմել նաև դերասանուհի Դանա Նազարովան: Նա պատմել է, որ 8 տարվա աշխատանքից հետո ինքը երեխա է ունեցել և ակնկալում էր ստանալ վճարովի արձակուրդ, սակայն փոխարենը ստացել է աշխատանքային գրքույկը:
Պատրաստեց Վիկտորյա ԱՆԴՐԵԱՍՅԱՆԸ
