Լրահոս
Օրվա լրահոսը

Հանձնարարվել է հանրությանն իրազեկել տրանսպորտի ոլորտի բարեփոխումների ուղղությամբ իրականացվող աշխատանքների ակնկալվող արդյունքների հստակ ժամկետների մասին

Դեկտեմբեր 19,2016 19:03

Երևանի քաղաքապետարանում կայացած աշխատանքային հերթական խորհրդակցության ժամանակ քաղաքապետ Տարոն Մարգարյանն անդրադարձել է հասարակական տրանսպորտի ոլորտում առկա խնդիրներին և ոլորտի համակարգային բարեփոխումների ուղղությամբ տարվող աշխատանքներին:

Հաշվի առնելով, որ տարվող աշխատանքները մտել են գործնական փուլ, մասնավորապես արդեն իսկ ընտրվել է միջազգային խորհրդատուն, քաղաքապետը հանձնարարել է իրականացվող աշխատանքների ակնկալվող արդյունքների հստակ ժամկետների մասին իրազեկել հանրությանը:

«Արդեն ընտրված է խորհրդատուն, և պայմանագրով հստակ սահմանված են այն ժամկետները, որոնց շրջանակում խորհրդատուն պետք է ապահովի նոր երթուղային ցանցի մշակման, միասնական և էլեկտրոնային տոմսային համակարգի ներդրման առաջակվող փաթեթը: Մենք հստակ խնդիր ենք դրել, որ բարեփոխումների արդյունքում պետք է ապահովենք ժամանակակից չափորոշիչներով տրանսպորտային համակարգի ներդրումը, ինչը նախ պետք է հարմար լինի մեր համաքաղաքացիներին, ինչպես նաև լրացուցիչ բեռ չստեղծի նրանց համար: Հետևաբար` անհրաժեշտ է հստակ ժամկետներով ու մանրամասն իրազեկել կատարվող աշխատանքների վերաբերյալ: Մասնավորապես, ներկայացրեք, որ արդեն 6 ամիս հետո պատրաստ կլինի բարեփոխումների ամբողջական փաթեթ-առաջարկը, որից հետո այն հանրային լայն քննարկում անցնելով, կսահմանվի նաև փուլային ներդրման ժամանակացույցը: Վստահ եմ, որ համակարգված աշխատանքի արդյունքում կկարողանանք ունենալ մեր հանրության կողմից սպասված տրանսպորտային որակյալ սպասարկում», – ընդգծել է Տարոն Մարգարյանը:

Երևանի քաղաքապետարան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2016
Երկ Երե Չոր Հնգ Ուրբ Շաբ Կիր
« Նոյ   Հուն »
 1234
567891011
12131415161718
19202122232425
262728293031