Լրահոս
Օրվա լրահոսը

«Երրորդմասցի Լյովիկի» սպանության մեջ մեղադրվողներից մեկը տեղափոխվել է հիվանդանոց, վատառողջ է

Դեկտեմբեր 20,2016 14:46

Երեւանի Էրեբունի եւ Նուբարաշեն վարչական շրջանների ընդհանուր իրավասության դատարանում այսօր «Երրորդմասցի Լյովիկի» եւ ընկերների սպանության գործով դատական նիստը տեղի չունեցավ ամբաստանյալներից մեկի՝ Վահան Հակոբյանի` «Գաստիկի» առողջական խնդիրների պատճառով:

Վահան Հակոբյանը դեկտեմբերի 12-ին տեղափոխվել է «Աստղիկ» բժշկական կենտրոն:

Հիշեցնենք, որ Վահան Հակոբյանը՝ Գաստիկ, Սարգիս Հախանումյանը՝ Տլե ու Սարգիս Գրիգորյանը՝ Ծգլ մականուններով հայտնի, մեղադրվում են ապօրինի զենք ձեռք բերելու եւ պահելու համար:

Ըստ մեղադրանքի, 2015թ. մարտի 4-ին Վահան Հակոբյանը, Սարգիս Հախանումյանը եւ Սարգիս Գրիգորյանը նախնական համաձայնությամբ, շատերի կյանքի համար վտանգավոր եղանակով, երկու եւ ավելի անձանց ապօրինաբար կյանքից զրկելու դիտավորությամբ, իրենց մոտ ապօրինի պահվող մարտական հրազեն հանդիսացող թվով 3 ինքնաձիգներից կրակահերթ են արձակել Լեւոն Ղազարյանի, Դրաստամատ Թադեւոսյանի եւ Մեսրոպ Նազարյանցի ուղղությամբ: Կրակոցների հետեւանքով ստացված հրազենային վնասվածքներից Մ.Նազարյանցը տեղում, իսկ Լ.Ղազարյանն ու Դ.Թադեւոսյանը «Էրեբունի» բժշկական կենտրոն տեղափոխվելու ճանապարհին մահացել են:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2016
Երկ Երե Չոր Հնգ Ուրբ Շաբ Կիր
« Նոյ   Հուն »
 1234
567891011
12131415161718
19202122232425
262728293031