«Առաջին նախագահի թեզերը նոր չեն, հիմնախնդրի կարգավորման վերաբերյալ նրա դիրքորոշումը դեռ երկու տասնամյակ առաջ էր հրապարակել: Ապրիլյան պատերազմն իրավիճակ է փոխել, որի պարագայում երեւույթներն ու գործընթացները պետք է դիտարկել նոր իրողությունների համատեքստում»,- «Առավոտի» հետ զրույցում ասաց քաղաքագետ Տիգրան Սարգսյանը` պատասխանելով հարցին` ինչպե՞ս եք գնահատում ԼՂ հարցի վերաբերյալ Լեւոն Տեր-Պետրոսյանի հայտնի թեզերի բարձրաձայնումը եւ ամրագրումը, որ այդ լուծումն այժմ էլ արդիական է:
Քաղաքագետն, ամեն դեպքում, դրական է գնահատում այն հանգամանքը, որ անկախ նրանից` քաղաքական, փորձագիտական դաշտը կիսո՞ւմ է այդ տեսակետը, թե՞ ոչ, Հայ ազգային կոնգրեսը ընտրությունների է գնում Հայաստանի արտաքին քաղաքական օրակարգի թիվ մեկ հարցի հետ կապված հստակ դիրքորոշմամբ. «Սա շատ կարեւոր է: Կարծում եմ՝ նվազագույնն այսպիսի առանցքային հարցերի շուրջ ընտրությունների գնացող բոլոր քաղաքական ուժերը պետք է ունենան հստակ դիրքորոշում՝ առանց ընդհանրական, ինչ-որ տեղ մոլորեցնող կամ ոչինչ չասող ձեւակերպումների»:
Զրույցի այլ մանրամասները` «Առավոտի» առաջիկա համարներից մեկում:
«Առավոտ»
Կարդացեք նաև
24.12.2016
