Լրահոս
Օրվա լրահոսը

Տարոն Մարգարյանը ծանոթացել է մետրոպոլիտենի վերականգնման ծրագրի շրջանակում իրականացված աշխատանքներին

Դեկտեմբեր 29,2016 14:10

Երևանի քաղաքապետ Տարոն Մարգարյանն այցելել է Կարեն Դեմիրճյանի անվան Երևանի մետրոպոլիտեն, ծանոթացել Վերակառուցման և զարգացման եվրոպական բանկի, Եվրոպական ներդրումային բանկի և Եվրոպական միության հարևանության ներդրումային ծրագրի շրջանակում մետրոպոլիտենի վերականգնման ծրագրով իրականացված աշխատանքներին: Քաղաքապետ Տարոն Մարգարյանը նախ այցելել է մետրոյի մեքենավարների ուսուցման կենտրոն, որը, ինչպես նշել են պատասխանատուները, տասնամյակներ շարունակ իսկապես երազանք է եղել մետրոպոլիտենի համար: Քաղաքապետին զեկուցվել է, որ մեքենավարների ուսուցման կենտրոնը հնարավորություն է տալիս պատրաստել որակյալ կադրեր, ովքեր հետագայում կհամալրեն մետրոպոլիտենի մեքենավարների շարքերը:

002

Երևանի քաղաքապետին է ներկայացվել նաև մետրոյի վագոնների լվացման նոր կայանը: Հարկ է նշել, որ մետրոպոլիտենի ստեղծման օրից ի վեր շարժակազմերի լվացումն իրականացվել է ոչ մեքենայացված եղանակով՝ ձեռքով, սակայն այսօր արդեն գործընթացն իրականացվում է ժամանակակից՝ ավտոմատ եղանակով: Մետրոպոլիտենի վերականգնման ծրագրի երկրորդ փուլի շրջանակում տնտեսումների հաշվին ամբողջությամբ վերանորոգվել ու արդիականացվել է նաև 4 վագոն:

Նոր շարժակազմի առաջին ուղևորներից էր նաև Երևանի քաղաքապետը: Պատասխանատուները նշել են, որ արդիականացված վագոնները ձևավորված են հին ու նոր Երևանի լուսանկարներով: Քաղաքապետը հանձնարարել է տնտեսած գումարների հաշվին շարունակել շարժակազմերի նորացման աշխատանքները: Հանձնարարվել է նաև մշտական հսկողության տակ պահել Վերակառուցման և զարգացման եվրոպական բանկի, Եվրոպական ներդրումային բանկի և Եվրոպական միության հարևանության ներդրումային ծրագրի շրջանակում մետրոպոլիտենում իրականացվող աշխատանքների ընթացքն ու ապահովել ծրագրի պատշաճ և սահմանված ժամկետում իրականացումը: Քաղաքապետ Տարոն Մարգարյանը զրուցել է նաև ուղևորների հետ, լսել մետրոյի սպասարկման որակի և արդյունավետության հետ կապված նրանց դիտարկումները:

Երևանի քաղաքապետարան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Ամենաընթերցված

Օրացույց
Դեկտեմբեր 2016
Երկ Երե Չոր Հնգ Ուրբ Շաբ Կիր
« Նոյ   Հուն »
 1234
567891011
12131415161718
19202122232425
262728293031