«Ելք» նախընտրական դաշինքի և ՍԴՀԿ֊ի միջև բանակցությունները տապալվել են: «Ելք»-ը՝ Լուսավոր Հայաստան, Քաղաքացիական պայմանագիր եւ Հանրապետություն կուսակցությունների դաշինքը, մերժել է ՍԴՀԿ-ի համագործակցության առաջարկը: Բանակցությունների նախաձեռնությունն, ի դեպ, Նարեկ Գալստյանի ղեկավարած ուժինն է եղել։
ՍԴՀԿ ատենապետ Նարեկ Գալստյանն Aravot.am –ի հետ զրույցում հաստատեց, որ «Ելք»-ի հետ բանակցություններ եղել են։ Ավելի վաղ, Նարեկ Գալստյանը հայտարարել էր այլ ուժերի հետ բանակցությունների մասին: «Մենք իրենց առաջարկել ենք 10000 ձայն կամ ոչինչ տարբերակը։ Այսինքն, մենք դաշինքին բերում էինք հավելյալ տաս հազար ձայն, իսկ իրենք ՍԴՀԿ-ին տրամադրում էին անցողիկ տեղ ցուցակում։ Մեր առաջարկը, կարծում եմ, շատ պրագմատիկ էր: Բայց հիմա փակուղում ենք, որովհետև գաղափարական խնդիր կա, երևի մենք ազգային ենք»,- ասաց Նարեկ Գալստյանը:
Նելլի ԳՐԻԳՈՐՅԱՆ
