Թուրքիայի Իզմիր քաղաքում նախօրեին տեղի ունեցած հարձակման եւ պայթյունի գործով ձերբակալվել է 18 մարդ, որոնցից երկուսը մեղադրվում են հարձակման կազմակերպիչներին զենք մատակարարելու մեջ: Այս մասին, Vesti.ru-ի փոխանցմամբ, հայտնել է Թուրքիայի արդարադատության նախարար Բեքիր Բոզդագը: Նա համոզմունք է հայտնել, ու հարձակման պատասխանատուն «Քուրդիստանի բանվորական կուսակցությունն» է, որին Թուրքիան ճանաչել է որպես ահաբեկչական խմբավորում:
Հիշեցնենք, որ դատարանի շենքի մոտ փոխհրաձգություն էր տեղի ունեցել ոստիկանների եւ մի քանի անձանց միջեւ, ինչից հետո վերջիններս ռումբ են պայթեցրել: Զոհվել են մեկ ոստիկան եւ դատարանի աշխատակիցը, եւս հինգ հոգի վիրավոր է: Հարձակվողներից երկուսը սպանվել են, մեկը՝ փախել: Ահաբեկչության պատասխանատվությունը դեռեւս ոչ մի խմբավորում չի ստանձնել:
Հավելենք, որ ըստ Թուրքիայի հատուկ ծառայությունների տվյալների՝ պայթյունի կազմակերպիչները ցանկացել են մեծամասշտաբ ահաբեկչություն իրականացնել, ինչը կանխվել է:
Կարդացեք նաև
Լուիզա ՍՈՒՔԻԱՍՅԱՆ
