Սենատում սկսվել են բարձր պաշտոններում Թրամփի ներկայացրած թեկնածուների շուրջ լսումները
ԱՄՆ-ի նախագահի պաշտոնում ընտրյալ Դոնալդ Թրամփը իր փեսային նշանակել է որպես Սպիտակ տանն իր խորհրդական։ Ինչպես Թրամփի անցումային խմբի պաշտոնյաներն են ասում, Ջարեդ Քուշների պարտականությունների մեջ են մտնելու առեւտրին ու Մերձավոր Արեւելքին առնչվող հարցերը։
Թրամփի դստեր՝ Իվանկայի ամուսին Քուշների փաստաբանն ասել է, թե Քուշները ծրագրում է հրաժարվել անշարժ գույքի իր ընտանեկան ընկերության գործադիր տնօրենի պաշտոնից եւ բոլոր բաժնեմասերից ու արտասահմանյան ներդրումներից։
Կոնգրեսի դեմոկրատ 6 անդամներ նամակ են հղել երկրի արդարադատության նախարար Լորեթա Լինչին եւ կառավարությանն առընթեր ԱՄՆ-ի Կառավարական էթիկայի գործակալությանը՝ մատնանշելով 1967 թվականին ընդունված այն օրենքը, որի համաձայն պետական պաշտոնյաները չեն կարող այն գործակալությունում, որտեղ իրենք են աշխատում, աշխատանքի ընդունել իրենց ընտանիքի անդամներին։
Կարդացեք նաև
Սակայն ինչպես Քուշների փաստաբանն է ասում, այդ օրենքը չի վերաբերում նախագահին, քանի որ Սպիտակ տունը չի համարվում գործակալություն։
Այս ընթացքում Սենատը սկսում է ամենապահպանողական սենատորներից Ջեֆ Սեշընզին արդարադատության նախարարի պաշտոնում հաստատելու հարցով լսումներ։ Դեմոկրատները մտահոգություն են արտահայտում քաղաքացիական իրավունքների ու ներգաղթի նկատմամբ Ալաբաման ներկայացնող Սեշընզի կարծր դիրքորոշման առնչությամբ։
Մանրամասներին կարող եք ծանոթանալ՝ «Ամերիկայի ձայն»-ի կայքում:
