Լրահոս
Օրվա լրահոսը

Տավուշի մարզպետը` Իջեւանի շուկայի մոտ երթեւեկը կարգավորելու վերաբերյալ

Հունվար 16,2017 23:15

Նախկինում Իջեւան քաղաքի շուկայի մոտ, ավտոմեքենաների եւ հետիոտների տեղաշարժը կանոնակարգված չէր, ինչի հետեւանքով միջպետական ավտոճանապարհի այդ հատվածում հաճախ խցանումներ էին առաջանում:

Տավուշի մարզպետ Հովիկ Աբովյանի նախաձեռնությամբ Իջեւանի շուկայի դիմաց մեքենաների երթեւեկն ապահովելու համար արգելապատնեշ տեղադրվեց, ինչը նվազեցրեց խցանումները: Սակայն հետիոտների անցման համար նախատեսված տեղով բնակիչները մեկ-մեկ հատելով միջպետական ճանապարհը՝ խոչընդոտներ են ստեղծում մեքենաների երթեւեկի համար:

Տարեմուտից առաջ Տավուշի մարզպետի ասուլիսի ժամանակ մարզի ղեկավարին հարցրինք՝ հնարավոր չէ՞ այդ տեղում լուսաֆոր տեղադրել, որպեսզի հետիոտների կողմից փողոցի հատումը կանոնակարգված լինի:

Մարզպետն ասաց, որ նախագծային-նախահաշվային աշխատանքներ են կատարվել, որպեսզի տվյալ հատվածում 2017 թվականի ընթացքում հետիոտների ստորգետնյա կամ վերգետնյա անցում կառուցվի: Ճանապարհը համապատասխանում է չափանիշներին, որպեսզի արգելապատնեշի երկարությունը ավելացվի:

Հովիկ Աբովյանն ասաց, որ հետիոտների եւ մեքենաների անվտանգ տեղաշարժն ապահովելու նպատակով նախատեսվում է երկարացնել արգելապատնեշը եւ հետիոտնի վերգետնյա անցում կառուցել, կամ կառուցել հետիոտների ստորգետնյա անցում:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2017
Երկ Երե Չոր Հնգ Ուրբ Շաբ Կիր
« Դեկ   Փետ »
 1
2345678
9101112131415
16171819202122
23242526272829
3031