Կառավարության այսօրվա նիստում վարչապետ Կարեն Կարապետյանը կառավարության աշխատակազմի ղեկավար-նախարար Դավիթ Հարությունյանին հանձնարարեց ներկայացնել, թե ինչ է արվել մինչ այս իր տված հանձնարարականների ուղղությամբ:
Դավիթ Հարությունյանն ասաց, որ նշված ժամանակահատվածում, ընդհանուր առմամբ մշակվել են 101 իրավական ակտեր, որոնցից ընդունվել են 51-ը: Այդ ակտերի թվին են պատկանում օրենքների նախագծեր, կառավարության եւ վարչապետի որոշումներ, որոշ դեպքերում՝ նախարարների հրամաններ:
Պարոն Հարությունյանը առանձնացրեց այն հանձնարարականները, որոնք միտված էին պետական կառավարման համակարգի արդիականացմանը: Ըստ նրա, առավել կարեւոր կետերից մեկը լիազորությունների ապակենտրոնացումն է. «Այս հանձնարարականի արդյունքում որդեգրվել է երկու մոտեցում: Առաջին՝ յուրաքանչյուր օրենքի նախագիծ, որը մշակվում է եւ չի վերաբերում լիազորությունների ապակենտրոնացմանը, պարտադիր պետք է անդրադարձ կատարի լիազորությունների ապակենտրոնացման խնդրին: Այսինքն՝ օրենքը վերլուծվում է, թե ինչ լիազորություններ կան, որոնք վերապահված են կառավարությանը եւ, եթե հնարավոր է այն վերապահել ավելի ստորին օղակներին համապատասխան պատասխանատվություն սահմանելով, օրինակ` նախարարություններին, ապա դա իրականացվում է»:
Անդրադառնալով «Գնումների մասին» նոր օրենքին, որն արդեն ընդունվել է Ազգային ժողովի կողմից՝ նշեց, որ այն նախատեսում է գնումների ավելի ճկուն եւ թափանցիկ մեխանիզմներ, ինչը թույլ է տալիս բարձրացնելու կառավարության հանրային հաշվետվողականությունը:
Ներկայացնելով ՊՈԱԿ-ների, ԾԻԳ-երի օպտիմալացման թեմայից նախարարն ասաց, որ 2017թ-ին կատարված փոփոխությունները հնարավորություն կընձեռեն տնտեսելու 3,9 մլրդ դրամ:
Կարդացեք նաև
Լուսինե ԲՈՒԴԱՂՅԱՆ
