Լրահոս
Օրվա լրահոսը

Միջազգային գիտաժողով՝ տարածաշրջանի ճարտարապետական ժառանգության արդի հիմնախնդիրները թեմայով

Հունվար 24,2017 10:23

ՀՀ ԿԱ քաղաքաշինության պետական կոմիտեի Ալ. Թամանյանի անվան ճարտարապետության ազգային թանգարան-ինստիտուտը հաջորդ տարի նախատեսում է միջազգային կազմակերպությունների, տարածաշրջանի պետական համապատասխան կառույցների և ինստիտուտների ներգրավմամբ կազմակերպել տարածաշրջանի ճարտարապետական ժառանգության հիմնախնդիրներին վերաբերող միջազգային գիտաժողով, որի նպատակը տարածաշրջանի մասնագետներին մեկ հարկի ներքո համախմբելով առկա փաստերի և փաստարկների, տեսակետների և մտքերի համադրումն է:

Գիտաժողովը հնարավորություն է՝ տեղեկանալու և վերլուծելու գոյություն ունեցող նյութերն ու փաստերը, այդ համատեքստում անդրադառնալով ոլորտի արդի խնդիրներին, դրանց լուծման մեթոդաբանությանը:

Գիտաժողովի նախաձեռնողների գնահատմամբ՝ մեր տարածաշրջանի երկրների քաղաքական, սոցիալ-տնտեսական, կրոնական և այլ գործոններով պայմանավորված՝ ճարտարապետական ժառանգությունն այժմ շատ տարբեր է մեկնաբանվում, պահպանվում, վերականգնվում և վերօգտագործվում: Ոլորտում առկա են բազմաթիվ տեսական և գործնական խնդիրներ, որոնք համատեղ և բազմակողմանի քննության կարիք ունեն:

Ճարտարապետական ժառանգության արդի խնդիրներին նվիրված գիտաժողովը հավակնում է լույս սփռել այս տարածաշրջանում գոյություն ունեցող բազում վիճահարույց խնդիրների, մշակել համատեղ ծրագրեր, մասնագիտորեն գնահատել կատարված և կատարվելիք աշխատանքները և այլն:

Նախապատրաստական աշխատանքներն արդեն սկսված են:

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԿԱՌԱՎԱՐՈՒԹՅԱՆՆ ԱՌԸՆԹԵՐ
ՔԱՂԱՔԱՇԻՆՈՒԹՅԱՆ ՊԵՏԱԿԱՆ ԿՈՄԻՏԵ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2017
Երկ Երե Չոր Հնգ Ուրբ Շաբ Կիր
« Դեկ   Փետ »
 1
2345678
9101112131415
16171819202122
23242526272829
3031