Լրահոս
Օրվա լրահոսը

«Կարծում եմ՝ Վարդան Սրմաքեշն ամեն ինչ կանի, որ այս շենքը վերականգնվի». հնագետը՝ Արամ Մանուկյանի տան մասին (Տեսանյութ)

Հունվար 29,2017 17:50

«Սեւ տուֆից կերտված այս հիանալի շենքը պատկանել է մեր մեծագույն պետական գործիչներից մեկին: Նա կազմակերպեց մեր նորանկախ պետության հիմքը ծառայած Սարդարապատի հերոսամարտը»,-Հայաստանի Առաջին հանրապետության հիմնադիր Արամ Մանուկյանի կիսավեր տան մոտ այսօր կազմակերպված միջոցառման ժամանակ լրագրողների հետ զրույցում ասաց հնագետ Հակոբ Սիմոնյանը:

Նա նշեց, որ տունը պատմական նշանակություն եւ ճարտարապետական արժեք ունի. «Սեփականատերը մեր մեծահարուստներից մեկն է՝ Վարդան Սրմաքեշը: Կարծում եմ՝ նա ամեն ինչ կանի, որ այս շենքը վերականգնվի եւ դառնա հետաքրքիր պատմական օջախ: Ես այստեղ տեսնում եմ Արամ Մանուկյանի տուն թանգարանը, որում կպահվեն Առաջին հանրապետությանը եւ Սարդարապատի հերոսամարտին առնչվող փաստաթղթեր, նյութեր»:

Հնագետի խոսքով՝ եթե կիսվեր կառույցը նման ձեւաչափով վերականգնվի, հետաքրքրական կլինի այցելուների համար:

Լուիզա ՍՈՒՔԻԱՍՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2017
Երկ Երե Չոր Հնգ Ուրբ Շաբ Կիր
« Դեկ   Փետ »
 1
2345678
9101112131415
16171819202122
23242526272829
3031