ՙԵթե մինչեւ վերջերս ադրբեջանական հաքերային խմբերը թիրախավորում էին կայքերը, ապա հիմա կենտրոնացել են անհատների վրա: Ազգությամբ հայերը թիրախ են դարձել սոցցանցերում: Խոցելի են նրանց էլեկտրոնային փոստարկղները՚,-ՙՓաստարկ՚ մամուլի ակումբում այսօր ասաց տեղեկատվական անվտանգության փորձագետ Սամվել Մարտիրոսյանը:
Նա տեղեկացրեց, որ ադրբեջանցի հաքերները մի քանի հարյուր հայ օգտատիրոջ ՙֆեյսբուքյան՚ էջեր են կոտրել եւ որպես ապացույց՝ հրապարակել գաղտնաբառերը. ՙՆրանք ոչ միայն կոտրում են էջերը եւ մարդկանց անունից վատ բաներ գրում: Խնդիրն այն է, որ ՙՖեյսբուքի՚ ՙմեսինջերը՚ շատերի համար փոխարինում է էլ. փոստին, ուստի մարդկանց անձնագրերի պատճենները, այլ փաստաթղթերը եւ տեղեկատվությունը փոխանակվում է ՙՖեյսբուքի՚ միջոցով՚:
Փորձագետը նշեց, որ ՀՀ քաղաքացիների դեմ կիբերհանցագործությունների թվի աճ է նկատվում. ՙԱմենաազդեցիկ հանցագործությունները ՙկրիպտովիրուսներն՚ են, որոնց պատճառով մարդիկ ֆինանսական կորուստներ են կրում: Ֆայլերը գաղտնագրում են եւ դրանց դիմաց գումար՝ ՙփրկագին՚ ուզում: Նախորդ տարի հաքերներն աշխարհում այդպես մեկ միլիարդ դոլար են աշխատել: ՙՓրկագնից՚ տոկոս ստանալու ավանդույթ էլ է ձեւավորվում: Տարօրինակ բան է, բայց նոր թափ է ստանում: Գուցե ՀՀ էլ հասնի, եթե դեռ չի հասել՚:
Կարդացեք նաև
Մանրամասն՝ տեսանյութում:
Լուիզա ՍՈՒՔԻԱՍՅԱՆ
