Լրահոս
Օրվա լրահոսը

«Ղարաբաղ գնացել են եւ ավելի կգնան». Նալբանդյանը՝ Լապշինի արտահանձնման մասին (Տեսանյութ)

Հունվար 31,2017 16:13

«Վստահ եմ՝ նրանց, ովքեր խոչընդոտում են մարդկանց հիմնարար ազատությունների եւ իրավունքների իրականացմանը, դա հեղինակություն չի բերում: Դա խայտառակություն է, որը որոշ դեպքերում որոշների ինքնության բնորոշիչ մաս է կազմում»,-ԱԳՆ-ում այսօր լրագրողների հետ հանդիպմանն անդրադառնալով բլոգեր Ալեքսանդր Լապշինին Բելառուսի կողմից Ադրբեջանին արտահանձնելու խնդրին, ասաց նախարար Էդվարդ Նալբանդյանը:

Նա չի կարծում, որ խնդիրը նախադեպ կդառնա. «Ղարաբաղ գնացել են եւ ավելի կգնան»: Նալբանդյանը նկատեց՝ Ադրբեջանի մոտ 500 հոգու անուն ներառող «սեւ ցուցակում» ընդգրկված են պետական, քաղաքական եւ հասարակական գործիչներ, մշակույթի նշանավոր՝ համաշխարհային դեմքեր. «Որեւէ մեկը կարո՞ղ է Ադրբեջանի հետ գործակցել այս հարցով կամ նրանց հանձնել Ադրբեջանին: Իհարկե՝ ոչ: Բայց բացառություններ կարող են լինել, դրանց ազդեցության մասին արդեն վերը նշեցի»:

Ըստ նախարարի՝ Ադրբեջանի նմանօրինակ բոլոր վայնասուններին ի պատասխան՝ ԼՂՀ ավելի շատ զբոսաշրջիկներ են այցելում:

Մանրամասն՝ տեսանյութում:

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2017
Երկ Երե Չոր Հնգ Ուրբ Շաբ Կիր
« Դեկ   Փետ »
 1
2345678
9101112131415
16171819202122
23242526272829
3031