Լրահոս
Օրվա լրահոսը

Լիտվայում ՀՀ դեսպանը հանդիպել է Լիտվայի Ազգային գրադարանի տնօրենին

Հունվար 31,2017 19:40

Հունվարի 31-ին Լիտվայում ՀՀ դեսպան Տիգրան Մկրտչյանը հանդիպեց Մարտինաս Մաժվիդասի անվան Լիտվայի ազգային գրադարանի տնօրեն Ռենալդաս Գուդաուսկասին։

Հանդիպման ընթացքում քննարկվեցին Ազգային գրադարանի հետ համատեղ գիտական և մշակութային ծրագրեր իրականացնելու հեռանկարները։ Դեսպան Մկրտչյանը շնորհակալություն հայտնեց Ռենալդաս Գուդաուսկասին Հայոց ցեղասպանության հարյուրամյակին նվիրված ցուցահանդես անցկացնելու կապակցությամբ։

Իր հերթին Լիտվայի ազգային գրադարանի տնօրենը բարձր գնահատեց Հայաստանի Հանրապետության դեսպանության հետ հաստատված համագործակցությունը։ Այդ համատեքստում ընդգծվեց Հայաստանի Ազգային գրադարանի հետ հարաբերությունները էլ ավելի խորացնելու պատրաստակամությունը։

Դեսպան Մկրտչյանը հանդիպման ավարտին Լիտվայի Ազգային գրադարանին նվիրեց Հայոց պատմությանը նվիրված գրականություն՝ հավելելով, որ հետագայում ևս գրադարանին կտրամադրվեն Հայոց պատմությանը և մշակույթին նվիրված տարբեր գրքեր։

ՀՀ ԱԳՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հունվար 2017
Երկ Երե Չոր Հնգ Ուրբ Շաբ Կիր
« Դեկ   Փետ »
 1
2345678
9101112131415
16171819202122
23242526272829
3031