Տավուշի մարզի Իջեւանի տարածաշրջանի սահմանամերձ Կիրանց գյուղի դպրոցի շենքը խախուտ է, նաեւ՝ դպրոցի ռմբապաստարանը: Դպրոցի տարածքում գտնվող ռմբապաստարանը նախատեսված է 25 հոգու համար, մինչդեռ դպրոցն ունի 59 աշակերտ:
Կիրանցի հիմնական դպրոցի տնօրեն Վոլոդյա Բաբինյանն ասում է, որ ռմբապաստարանի արտաքին ծածկը բարակ է, ռմբակոծության դեպքում այն չի կարող է աշակերտների համար հուսալի թաքստոց դառնալ, ընդհակառակը՝ այն մեծ վտանգ կներկայացնի:
Նա մեզ հայտնեց, որ խնդրի մասին տեղյակ է պահել փրկարար ծառայության Տավուշի մարզային վարչություն, Տավուշի մարզպետարան:
Վ. Բաբինյանի խոսքերով՝ մասնագետները տեսնելով ռմբապաստարանի վիճակը, խորհուրդ են տվել վտանգի դեպքում այդ ռմբապաստարանը չօգտագործել: Փաստորեն ռմբակոծության դեպքում բաց տարածքը աշակերտների համար ավելի ապահով կարող է լինել, քան՝ բարակ ծածկով ապաստարանը: Վ. Բաբինյանի վկայությամբ՝ խնդիրը կլուծվի, երբ կառուցվի դպրոցի նոր շենք, աշակերտների համար նոր, ապահով ապաստարան կառուցվի:
Կարդացեք նաև
Ոսկան ՍԱՐԳՍՅԱՆ
