Փետրվարի 2-ի առավոտյան Հայաստան –Վրաստան միջպետական ավտոճանապարհի Նոյեմբերյան-Իջեւան ճանապարհի Կիրանց-Ոսկեպար հատվածում, Ոսկեպար գյուղի վարչական տարածքում խոշոր բեռնատարների կուտակում կար:
Արտերկրից Հայաստան բեռներ ներկրող «ֆուռերի» շարասյունը կանգնած էր Ոսկեպար գյուղի ոլորաններում: Միջպետական ավտոճանապարհի այդ հատվածը սպասարկում է Նոյեմբերյանի ճանապարհաշինական «Լեւոն երկրորդ» ՍՊԸ-ն:
Այդ ընկերության աշխատողները ճանապարհով երթեւեկությունն ապահովելու համար աղ էին շաղ տվել: Հայաստան բեռներ ներկրող խոշոր բեռնատարները՝ բեռներով հանդերձ, մինչեւ 40 տոննա քաշ ունեն, չեն կարողանում վեր բարձրանալ Ադրբեջանի սահմանագոտին շրջանցող ձյունառատ ճանապարհով:
Կարդացեք նաև
Ոսկեպար գյուղի վարչական տարածքում վրացական պետհամարանիշներով խոշոր բեռնատարը ճանապարհից սահելով ՝ ընկել էր ճամփից դուրս: Բեռնատարի վրացի վարորդն ասաց, որ կոնյակի սպիրտ է տեղափոխում Հայաստան: Փետրվարի 2-ին,ժամը 14-ից արեւից ճանապարհի ձյունը մասամբ հալվեց, «ֆուռերը» հաղթահարեցին միջպետական ավտոճանապարհի Ոսկեպար-Կիրանց հատվածը:
Ոսկան ՍԱՐԳՍՅԱՆ
կարեւոր այն է որ nկոնյակի սպիրտը չի հոսել…
(թէ ոչ, կարելի էր ձյունի միջից զայն լափել…
մսխումը աններելի կ’ըլլար…)