Մարդու իրավունքների եվրոպական դատարանը ընթացք է տվել ընդդիմադիր գործիչ Անդրիաս Ղուկասյանի դիմումին, որով նրա պաշտպանները վիճարկում են կալանքի օրինականությունը, պնդելով, որ այն խախտում է նաև նրա մյուս իրավունքները, այդ թվում քաղաքական գործընթացներին մասնակցելու և պատգամավոր ընտրվելու:
Ստրասբուրգի դատարանին խնդրել են գործը քննել արագացված կարգով։
«Ընտրական այս գործընթացների հետ կապված, որ եթե ձգձգվի, դրանով կխախտվեն նրա քաղաքական իրավունքները նույնպես: Այսինքն, մենք անգամ չենք սպասել՝ Հայաստանում Վճռաբեկ դատարանը վարույթ է ընդունել, բայց չենք ենք սպասել սպառելու ներպետական այդ հնարավորությունները», – «Ազատության» հետ զրույցում պատմեց Անդրիաս Ղուկասյանի փաստաբան Կարեն Մեժլումյանը: – «Այս պահի դրությամբ նրանք մեզ չեն մերժել և ասել, որ չեք սպառել ներպետական բոլոր միջոցները: Սա է այն լավատեսությունը, որի մասին խոսում ենք», – հավելեց նա։
Մանրամասներին կարող եք ծանոթանալ՝ «Ազատություն»–ի կայքում:
