Զինծառայողների եւ նրանց ընտանիքների անդամների սոցիալական ապահովության մասին օրենքում փոփոխությունների նախագիծը այսօր ԱԺ-ում ներկայացրեց աշխատանքի եւ սոցիալականն հարցերի նախարար Արտեմ Ասատրյանը:
Նախարարն ասաց, որ զինծառայողի մահվան դեպքում նախատեսվում էր միանվագ դրամական օգնություն նրա ընտանիքին: Ընդ որում, ծնողները համարվում են ընտանիքի անդամ, եթե զինծառայողի հետ բնակվում են համատեղ:
Սակայն իրենց մշտական բնակավայրերից հեռու տեղակայված զինծառայողները, որոնք բնակարան են վարձակալել, ասենք, զորամասի մոտ, կամ ծառայողական բնակավայրերում, նրանց ընտանիքներն այս իրավունքից չեն կարողանում օգտվել: Ուստի առաջարկվում է օրենքում փոփոխություն կատարել եւ միանվագ օգնություն տալ նաեւ այն զինծառայողների ծնողներին, որոնք զինծառայողից առանձին են ապրում:
Պատգամավորները ողջունեցին նախագիծը՝ ասելով, որ սա կարեւոր սոցիալական նշանակություն ունի:
Կարդացեք նաև
Հռիփսիմե ՋԵԲԵՋՅԱՆ
