Լրահոս
Օրվա լրահոսը

Հենրիխ Մխիթարյանը պատասխանել է «Բորուսիայի» գլխավոր տնօրեն Հանս-Իոահիմ Վատցկեին

Փետրվար 09,2017 21:33

«Մանչեսթեր Յունայթեդի» եւ Հայաստանի ազգային հավաքականի կիսապաշտպան Հենրիխ Մխիթարյանը հայտարարել է, թե իր մասին Վատցկեի արտահայտած խոսքերն այն մասին, իբր ինքը ՄՅՈՒ տեղափոխվել է բացառապես փողի համար, իրականության հետ կապ չունեն:

«SportBild»-ին տված հարցազրույցում «կարմիր սատանաների» առանցքային ֆուտբոլիստն ասել է. «Չեմ կարողանում հասկանալ: Եթե ինձ համար փողն առաջնային լիներ, «Շախտյորից» կտեղափոխվեի «Անժի», այլ ոչ թե «Բորուսիա»: Բայց ես դա չէի ցանկանում, ուզում էի աճել»:

Վատցկեն հայտարարել է նաեւ, թե հիասթափվել էր, երբ Գերմանիայի գավաթի անցած տարվա խաղարկության «Բավարիայի» հետ խաղում չմոտեցավ գնդակին եւ 11 մետրանոց հարված չկատարեց: Մխիթարյանը դրան էլ է պատասխանել: «Եթե նա ցանկանում է մեկ խաղով ինչ-որ հետեւություններ անել, ճիշտ չի վարվում: Հնարավոր է՝ նա մոռացել է, թե մինչեւ այդ պահը ինչպես եմ անցկացրել ամբողջ մրցաշրջանը: Բեռլինում ես պատրաստ էի հարվածել, բայց կա մարզիչ, խաղադաշտում՝ 11 ֆուտբոլիստ: Մենք խոսել էինք, թե հատկապես ով պետք է կատարի 11 մետրանոց հարվածը», – ասել է Հենրիխ Մխիթարյանը:

Աշոտ ՀԱԿՈԲՅԱՆ

Լուսանկարը՝ vietbao.vn-ի

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2017
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
2728