Լրահոս
Օրվա լրահոսը

Սեմյոնովկա համայնքում փորձարկվել է էլեկտրոնային գրանցման համակարգը

Փետրվար 12,2017 20:24

Գեղարքունիքի մարզի Դարանակ, Արծվանիստ եւ Սեմյոնովկա համայնքներում այսօր ընթանում էր Ավագանու անդամի ընտրություններ:

Սեմյոնովկա համայնքում փորձարկվում էր էլեկտրոնային գրանցում իրականացնող սարքավորումը, որով կանցկացվի նաեւ ապրիլյան ընտրությունները:

Սեմյոնովկա համայնքի ղեկավար Դավիթ Մնացականյանը Aravot.am-ի հետ զրույցում նշեց, որ համայնքի բնակիչները մեծ ոգեւորությամբ են մասնակցում ընտրությանը, քանի որ այնտեղ փորձարկվել է էլեկտրոնային գրանցման համակարգը. «Բնակիչները անձնագրերով մոտենում են, էլեկտրոնային սարքի միջոցով տվյալները անցկացնում, կտրոնը ստանում եւ մասնակցում ընտրությանը: Մեր ընտրացուցակը սարքի մեջ է եւ փորձի համար դիտորդներից մեկի անձնագրի տվյալները գրելուց՝ կարմիր գիծ  ցույց տվեց եւ նշեց, որ նման ընտրող չկա»:

Համայնքի ղեկավարի համոզմամբ՝ այս տարբերակով անցկացվող ընտրությունները ամենաարդարը կլինի. «Փորձի համար նաեւ նույն անձնագրով փորձել ենք սարքի ճշգրտությունը եւ այն կարմիր գիծ է ցույց տվել եւ նշել, որ այդ անձնագրով արդեն ընտրությանը մասնակցել են: Բնակիչները լրիվ համոզված են, որ իրենց ձայնը տեղ կհասնի»:

Ապրիլյան ԱԺ ընտրությունների մասին Դավիթ Մնացականյանը նշեց, որ այս տարբերակով անցկացվող ընտրությունները ավելի հեշտ կանցնեն եւ առանց կեղծիքի, քանի որ մատնահետքով է ստացվում տվյալ անձի մասին ամբողջ տեղեկատվությունը:

Նշենք նաեւ, որ էլեկտրոնային գրանցման համակարգը բացի Սեմյոնովկա համայնքից այսօր փորձարկվել է նաեւ Արմավիրի մարզի Վարդանաշեն համայնքում՝ համայնքի ղեկավարի ընտրության ժամանակ:

Անուշ ՄԱԹԵՎՈՍՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2017
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
2728