«Ադրբեջանը բանակցային գործընթացը մղում է փակուղի: Դրական տեղաշարժ ակնկալելն իրատեսական չէ առաջիկա հանդիպումից»-«Նովոստի Արմենիա» մամուլի կենտրոնում ասօր անդրադառնալով առաջիկայում Մյունխենում ՀՀ, Ադրբեջանի եւ ՌԴ արտգործնախարարների հնարավոր հանդիպմանը, ասաց քաղաքագետ Նարեկ Մինասյանը:
Նրա բնորոշմամբ՝ այդ հանդիպումը պետք է օգտագործել համանախագահներին եւ Ադրբեջանին ուղերձ հղելու համար, այն է՝ Ադրբեջանի կողմից ապակառուցողական քաղաքականության շարունակության դեպքում ՀՀ-ն ստիպված է լինելու վերանայել տարբեր հարցերում իր դիրքորոշումը:
Անդրադառնալով սահմանային լարվածությանը՝ քաղաքագետը նշեց, որ Ադրբեջանը բանակցային գործընթացքում չի կարողանում արդյունքի հասնել, այդ պատճառով հրադադարի ռեժիմի խախտման դեպքերով փորձում է ինչ-որ բան ապացուցել՝ արդյունքի ակնկալիքներ ունեցող իր հանրությանը. «Այսպես նա փորձում է «ձեռքբերումներ» ներկայացնել իր հանրությանը: Սա փորձ է նաեւ հայկական հանրության վրա ճնշում գործադրելու, քանի որ ապրիլին ընդառաջ՝ Ադրբեջանը փորձելու է ճնշումը մեծացնել սահմանային միջադեպերի միջոցով»:
Հիշեցնենք, որ շփման գծում այս գիշեր եւս իրավիճակը լարված է եղել:
Կարդացեք նաև
Մանրամասն՝ տեսանյութում:
Լուիզա ՍՈՒՔԻԱՍՅԱՆ
