«Ծառուկյան դաշինքը» Շիրակի մարզում առաջադրել է 13 վարկանիշային թեկնածուներ, որոնց թվում են նախկին ու ներկա բարձրաստիճան պաշտոնյաներ, սպորտսմեններ, դպրոցի տնօրեններ։ Շիրակի մարզի ԲՀԿ գրասենյակից տեղեկացանք, որ ցուցակը դեռ նախնական է, վերջնականապես հաստատված չէ, Գյումրիում վարկանիշային թեկնածուները մի քանիսն են՝ Գյումրու մանկավարժական ինստիտուտի նախկին ռեկտոր Վարդևան Գրիգորյանը, Գյումրու նախկին քաղաքապետ Վարդան Ղուկասյանը, Գյումրու օլիմպիական հերթափոխի պետական մարզական քոլեջի տնօրեն Փանոսյան Հակոբը, «Բալատոն» վարժարանի տնօրեն Արուսյակ Հովհաննիսյանը։ Ի դեպ, նա Վարդան Ղուկասյանի թիկնապահի՝ Տիգրանի կինն է։
Ցուցակում ընդգրկված են նաև Աշոցքի ու Ամասիայի ԲՀԿ կառույցների պատասխանատուները։ Վարուժան Հարությունյանը՝ Աշոցքի տարածքի ԲՀԿ-ի պատասխանատուն է, պարզեցինք, որ վերջինս Գոգհովիտ գյուղից է, ծանրորդ է, ֆիզկուլտուրայի ուսուցիչ է, ԲՀԿ Ամասիայի պատասխանատու Արթուր Մանուկյանն էլ գյուղապետարանի աշխատակից է։
Վարկանիշյան ցուցակում են նաև Ախուրյանի ԲՀԿ պատասխանատուներ՝ Սերգո Սերգոյանը, Հովհաննես Աղաբեկյանը։ Ախուրյանից ճշտեցինք, որ վերջիններս պետական աշխատանք չունեն։ Արթիկից ևս թեկնածու ունեն, ոստիկանության նախկին աշխատակից է, ներկայիս ԲՀԿ-ական, որի թեկնածության հարցը, սակայն, դեռ վերջնականապես հստակեցված չէ։
Մարալիկի տարածաշրջանից ընդգրկված է ՔԿՀ վարչության նախկին պետ Մուշեղ Սաղաթելյանը։
Կարդացեք նաև
Կանանց ցանկում են Ստեմբել Մարինեն, նա մասնագիտությամբ ուսուցչուհի է, աշխատում է օլիմպիական մարզային կոմիտեում, Մխիթարյան Արմենուհին, մասնագիտությամբ ուսուցչուհի է ու Աղասյան Անահիտը, որը, ըստ որոշ տեղեկությունների, բուժաշխատող է։
Նունե ԱՐԵՎՇԱՏՅԱՆ
Խաղում ենք Ո՞վ է ուզում դառնալ միլիոնատեր խաղը:Հարց՝Ու՞մ է ընտրելու Վարդանիկի թիկնապահը:Սեփական կնոջը,թե Վարդանիկին:Պատասխանը երևի բոլորն էլ կռահում են:Իմ կարծիքով Տիկոյի դեպուտատի թեկնածու կնիկն էլ ոչ թե կընտրի իրան,այլ հոգեվորական Վարդանին: