Այսօր կառավարության նիստի սկզբում վարչապետ Կարեն Կարապետյանը կրկին հանձնարարականներ տվեց: Նա նշեց, որ զբոսաշրջության խթանման համար սկսում են իրականացնել «Մաքուր Հայաստան» ծրագիր:
Տարածքային կառավարման եւ զարգացման նախարարին պարոն Կարապետյանը հանձնարարեց հայեցակարգ մշակել եւ վերացնել զբոսաշրջիկների համար անհարկի բարդությունները, մասնավորապես` սահմանային անցակետերում, որտեղ օտարերկրացիների համար մուտքի արտոնագրի դիմում են ուզում: «Այդ արտոնագիրը պետք է վերացնել»,-ասաց վարչապետը:
Պարոն Կարապետյանի մյուս հանձնարարականը վերաբերում էր պետական գույքին. «Պետական կառույցները թերբեռնված են եւ արդյունավետ չեն օգտագործվում»: Նա գերատեսչությունների ղեկավարներին հանձնարարեց մեկամսյա ժամկետում քննարկել եւ օպտիմալացման առաջարկներ ներկայացնել:
Լուսինե ԲՈՒԴԱՂՅԱՆ
