«Հելսինկյան նախաձեռնություն-92» ղարաբաղյան կոմիտեի ներկայացուցիչներ՝ Մարդու իրավունքների միջազգային պարգևների դափնեկիր, դոկտոր Կարեն Օհանջանյանը և «ՀՆ-92»-ի գործադիր տնօրեն Սվետլանա Ջհանգիրյանը նախօրեին այցելել են Արցախում ձերբակալված ադրբեջանցի ռազմագերի Էլնուր Հուսեյնզադեին:
Արցախի հանրապետական կուսակցության համանախագահ, մարդու իրավունքների բնագավառում միջազգային մրցանակների դափնեկիր, «Հելսինկյան նախաձեռնություն-92»-ի` ԼՂՀ կոմիտեի համակարգող Կարեն Օհանջանյանը
Այս մասին նշված է կազմակերպության տարածած հաղորդագրության մեջ: Աղբյուրի հաղորդմամբ՝ իրավապաշտպանները ծանոթացել են Արցախում ձերբակալված ադրբեջանցի ռազմագերու գտնվելու պայմաններին:
Անցկացված մոնիթորինգի և ռազմագերու հետ երկար խոսակցությունից հետո ներկայացուցիչները նշել են, որ Էլնուր Հուսեյնզադեի ազատազրկման պայմանները համապատասխանում են միջազգային մարդասիրական իրավունքի նորմերին:
«ԼՂՀ իշխանություններն ադրբեջանցի ռազմագերու հանդեպ ցուցաբերում են հումանիտար վերաբերմունք, ինչպես նաև թույլտվություն են տվել միջազգային կազմակերպություններին և իրավապաշտպաններին մոնիթորինգներ անցկացնել և ծանոթանալ ռազմագերու ազատազրկման պայմաններին:
Կարդացեք նաև
Ձերբակալվածի հոգեբանական վիճակը նորմալ է, և նա դրական է գնահատում Արցախի իշխանությունների` իր հանդեպ ցուցաբերած լավ վերաբերմունքը: «Հելսինկյան նախաձեռնություն-92»-ը շարունակելու է մշտական դիտարկում իրականացնել` Էլնուր Հուսեյնզադեի ազատազրկման պայմանների վերաբերյալ»,- ասված է կազմակերպության տարածած հաղորդագրության մեջ:
ԱՐՑԱԽՊՐԵՍ
Արդյոք «ռազմագերի» եզրույթը տեղի՞ն է օգտագործված, գուցե նա ավելի շուտ հասարակ (կամ ոչ այնքան) քրեական հանցագործ պետք է համարվի, ով մեղադրվում է կոնկրետ ծանր հանցագործությունների մեջ և անազատության մեջ է միայն այդ պատճարով։