Լրահոս
Օրվա լրահոսը

«1-ին մտավորականն եմ Թուրքիայի, որը գրել ու բարձրաձայնել է ցեղասպանության մասին». Ալի Բայրամօղլու (Տեսանյութ)

Փետրվար 17,2017 17:01

«Թուրքիայի պետական մակարդակում հայկական հարցը «խցանման» մեջ է՝ փակուղում, թեեւ ազգայնական հատվածում, օրինակ, հարցն այդչափ վրդովվեցնող չէ: Ընդհանուր առմամբ, հայկական հարցի հանդեպ լարված մթնոլորտը պահպանվում է՝ հատկապես զգացմունքային մակարդակում»,-Հայաստանում ֆրանսիական համալսարանում այսօր հայ-թուրքական հարաբերություններին նվիրված քննարկման ժամանակ ասաց Ստամբուլի «Կուլտուր» համալսարանի դասախոս, քաղաքագետ, Հայոց ցեղասպանությունը ճանաչած լրագրող Ալի Բայրամօղլուն:

Նա նկատեց, որ հայկական հարցի շուրջ հասարակական կազմակերպությունների մակարդակում քննարկումները բավականին հարուստ են: «Դա սկսվեց Հրանտ Դինքի սպանությունից հետո»,-նշեց նա:

Խնդրեցինք կարծիք հայտնել Հայոց ցեղասպանության շուրջ Թուրքիայի ժխտողականության մասին: Քաղաքագետն ասաց. «Ես Թուրքիայի դիրքորոշմանը դեմ եմ: Կարծում եմ՝ այսքանով ամեն ինչ ասված է: Առաջին մտավորականն եմ Թուրքիայում, որը գրել ու բարձրաձայնել է ցեղասպանության մասին»:

Հարցին, թե իր կարծիքով՝ ի վերջո Թուրքիան ե՞րբ կճանաչի Հայոց ցեղասպանությունը, Բայրամօղլուն այսպես արձագանքեց. «Այդ հարցը նույնն է, թե Ձեր սուրճի բաժակը նայեմ…»:

Մանրամասն ՝ տեսանյութում

Լուիզա ՍՈՒՔԻԱՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2017
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
2728