ՀՅԴ համամասնական ցուցակում առաջին կին թեկնածուն մասնագիտությամբ մաթեմատիկոս, ֆիզմաթ գիտությունների թեկնածու, դոցենտ, Վանաձորի պետական համալսարանի դասախոս, Համալսարանական կրթությամբ կանանց ասոցիացիայի անդամ, Վանաձորի ավագանու անդամ Արմենուհի Կյուրեղյանն է:
Նա ցուցակի չորրորդ հորիզոնականում է, նրանից վերեւում գտնվում են ցուցակը գլխավորող ՀՅԴ Բյուրոյի քաղաքական ներկայացուցիչ Արմեն Ռուստամյանը, երկրորդ հորիզոնականում` ՀՅԴ նախընտրական շտաբի պետ Աղվան Վարդանյանը, երրորդում` տարածքային կառավարման եւ զարգացման նախարար Դավիթ Լոքյանը: Հինգերորդ տեղում է ԿԳ նախարար Լևոն Մկրտչյանը, նրան հաջորդում է բնապահպանության նախարար Արծվիկ Մինասյանը:
Համամասնական ցուցակում են նաեւ ԱԺ ՀՅԴ խմբակցության պատգամավոր, անկուսակցական Արմեն Բաբայանը, որը մամուլում հայտնի է որպես «չխոսկան պատգամավոր», Ռուզաննա Առաքելյանը, որը 2007-ին ՀՅԴ խմբակցության պատգամավոր է եղել, Սպարտակ Սեյրանյանը, որը 2006-ին ՀՅԴ համամասնական ցուցակով պատգամավոր է ընտրվել, 2008-ին նշանակվել ԿԳ նախարար:
ՀՅԴ-ի ցուցակում վերջին հորիզոնականներում է հայտնվել ներկայիս պատգամավոր Կարեն Շախմուրադյանը, ինչպես նաեւ 2012 թվականին մեծամասնական ընտրակարգով պատգամավորի թեկնածու առաջադրված Արտաշես Նիկոյանը: Պատգամավորի թեկնածու է նաեւ նախարար Լոքյանի մինուճար որդին՝ Սերգեյ Լոքյանը, որը չնայած երիտասարդ տարիքին, հասցրել է պետական համակարգում բարձր պաշտոններ զբաղեցնել:
Կարդացեք նաև
Արփինե ՍԻՄՈՆՅԱՆ
Իսկ ուզում եք իմանալ, թե ինչու նախարար Լոքյանի մինուճար որդին՝ Սերգեյ Լոքյանը, որը չնայած երիտասարդ տարիքին, հասցրել է պետական համակարգում բարձր պաշտոններ զբաղեցնել:
բացի հորից այլ ՏԱՆԻՔ էլ ունի՝ Հովիկ Աբրահամյանը նրա կնքահայրն է: