«Ծխախոտի թեման դարձավ բուռն քննարկման առարկա, ուզում եմ ասել, որ զինվորից ծխախոտ չենք խլում»,-այսօր կառավարության նիստում ասաց
պաշտպանության նախարար Վիգեն Սարգսյանն՝ արձագանքելով սոցցանցերում քննարկման առարկա դարձած ծխախոտի խնդրին:
Aravot.am-ը վկայակոչելով կառավարության որոշումը, նշել էր, որ պաշտպանության նախարարության, ԱԱԾ-ի, ԱԻՆ-ի հաշվին խնայողություններ կանեն՝ կրճատելով խաղաղ ժամանակ այս հիմնարկներին հատկացվող ծխախոտն ու լուցկին:
Վիգեն Սարգսյանն ասաց, որ ծխախոտը հատկացվել է, ոչ թե ժամկետային զինծառայողներին, այլ պայմանագրային՝ օրեկան մեկ տուփ: Ըստ նախարարի, կրճատելով ծխախոտի տրամադրումը այդ գումարները պետք է ուղղեն նրանց հավելավճարներին:
Կարդացեք նաև
Սրան ի պատասխան, Կարեն Կարապետյանն ասաց՝ դրա համա՞ր եք այդքան մանրամասն զեկուցում:
«Որովհետեւ այս հարցը դարձել էր բուռն քննարկման առարկա»,-ասաց Վիգեն Սարգսյանը:
Լուսինե ԲՈՒԴԱՂՅԱՆ
