2016թ. Տավուշի մարզի բնակչությունը կազմել է 125 հազար 500 մարդ: Տավուշի մարզպետարանի կայքում հրապարակված տեղեկատվության համաձայն՝ 2014թ. Տավուշի մարզի բնակչությունը կազմել է 132 հազար, 2012թ.-ին՝ 134 հազար մարդ: 4 տարում, 2012-2016թթ. Տավուշի մարզի բնակչությունը նվազել է 8500 մարդով
Սահմանամերձ Տավուշի մարզի բնակչության նվազումը պայմանավորված է ծնելիության ցածր մակարդակով եւ մահացությունների մեծ թվով: 2013թ. Տավուշի մարզում ծնունդների թիվը եղել է 1520,իսկ 2015-ին՝ 1420: 2013թ. մարզում մահվան դեպքերի թիվը 1321 է, 2015թ.-ին՝ 1420:
Բնակչության սոցիալական վատ վիճակը, գործազրկությունը, ապագայի հանդեպ լավատեսության բացակայությունը խանգարում են, որպեսզի տավուշցի ընտանիքները շատ երեխաներ ունենան: Առողջապահական ծառայությունների վճարովի լինելը, առողջապահության ապահովագրական համակարգից սահմանագոտու բնակչության զգալի մասի զրկված լինելը պատճառ են մահվան դեպքերի տարեցտարի ավելացմանը:
Տավուշի մարզի բնակչության խտությունը մեկ քառակուսի կիլոմետրի վրա կազմում է 46 մարդ, որը այլ մարզերի բնակչության խտությունից պակաս է շուրջ 2 անգամ:
Կարդացեք նաև
Սահմանամերձ մարզի բնակչության տարեցտարի նվազումը Հայաստանի անվտանգության լուրջ սպառնալիք է:
Ոսկան ՍԱՐԳՍՅԱՆ
