Լրահոս
Օրվա լրահոսը

«Ժողովուրդ ջան, որ ընտրեք ձեր թաղի լավ տղային, դեռ չի նշանակում, որ նա անպայման հայտնվելու է խորհրդարանում». Արմեն Մարտիրոսյան

Փետրվար 24,2017 12:46

«Ժողովուրդ ջան, այն, որ դուք ընտրում եք ձեր թաղի լավ տղային՝ թեկուզ ՀՀԿ-ից, դեռ չի նշանակում, որ նա անպայման հայտնվելու է խորհրդարանում, դրանով ուղղակի ապահովում եք ՀՀԿ-ի ու Սերժ Սարգսյանի իշխանությունը»,-«Նոյյան տապան» մամուլի սրահում լրագրողների հետ հանդիպմանը զգուշացրեց «Ժառանգություն» կուսակցության փոխնախագահ, ՕՐՕ դաշինքի ցուցակում ընդգրկված Արմեն Մարտիրոսյանը: Այնուհետև հորդորեց, որ ընտրություն կատարելիս քաղաքացին ուշադրություն դարձնի կուսակցությանը՝ արդյոք այդ ուժին ուզո՞ւմ է տեսնել քաղաքականության մեջ, թե՞ ոչ:

Արմեն Մարտիրոսյանի բնութագրմամբ՝ ցուցակները ոչ միայն տարածքային են, այլև թաղային: Պարոն Մարտիրոսյանն օրինակ բերեց. «Արաբկիրում թիրախավորվել է Արտակ Սարգսյանը, Աջափնյակում Արման Սահակյանը, Դավթաշենում Արթուր Գևորգյանը և այլք: Ավելին, Արման Սահակյանին զուգահեռ Աջափնյակում կա ևս մեկ ՀՀԿ-ական թեկնածու, որը ևս ձայներ է ապահովելու Հանրապետականի համար: Դուրս է գալիս, որ մարդիկ նույնիսկ իրենց թաղի ձայներն ապահովելու համար մտել են խաղի մեջ»:

Անդրադառնալով ընտրակաշառքի տարածվածությանը և ստացվող ահազանգերին՝ պարոն Մարտիրոսյանը հիշեցրեց, որ քաղաքացին, անգամ ընտրակաշառք վերցնելուց հետո հնարավորություն ունի իր սեփական ընտրությունը կատարել. «Նախորդ ընտրություններին եղել են դեպքեր, որ քաղաքացիները, իհարկե, սխալ վարվելով, վերցրել են ընտրակաշառք, բայց գնացել ու ճիշտ ընտրություն են կատարել»:

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2017
Երկ Երե Չոր Հնգ Ուրբ Շաբ Կիր
« Հուն   Մար »
 12345
6789101112
13141516171819
20212223242526
2728