«Խնդիրը նրանում է, թե ինչ կլինի ԱԺ-ում՝ ընտրություններից հետո: Սերժ Սարգսյանը պետք է ստանա բացարձակ մեծամասնություն, դրա համար այսօր ամեն ինչ արվում է՝ փափուկ, գեղեցիկ անունների տակ: Հետո կանեն այն, ինչ կհրահանգավորեն վերեւից: Արդյունքում՝ խայտառակ ծավալների կհասնի արտագաղթը»,-«Հայելի» մամուլի ակումբում այսօր խոսելով առաջիկա խորհրդարանական ընտրություններին հաջորդող հնարավոր գործընթացների մասին, ասաց ԱԱԾ պետի նախկին տեղակալ Գուրգեն Եղիազարյանը:
Նրա համոզմամբ՝ վերը նկարագրվածից հետո կլինի ավելի մեծ խայտառակություն՝ «Մադրիդյան սկզբունքները»: «Արցախը հարցականի տակ է դրվելու, հետեւաբար նաեւ ՀՀ-ն: Աստված չանի՝ Արցախի հետ մի բան պատահի»,-մտահոգություն հայտնեց Եղիազարյանը:
Իսկ մինչ այդ, ըստ նրա՝ իշխանության ներկայացուցիչները խելակորույս ձգտելու են հայտնվել նոր ԱԺ-ում:
Մանրամասն՝ տեսանյութում
Կարդացեք նաև
Լուիզա ՍՈՒՔԻԱՍՅԱՆ
