Կենտրոնական ընտրական հանձնաժողովի այսօրվա նիստի ընթացքում «Ելք» դաշինքի լիազոր-ներկայացուցիչ Վահագն Հովակիմյանը ԿԸՀ նախագահ Տիգրան Մուկուչյանի ուշադրությունը հրավիրեց մի խնդրի վրա: «Վերջին օրերին պարբերաբար մամուլում տեղեկություններ են շրջանառվում, որ թեկնածուներից ոմանք, որոնք խոշոր գործարարներ են, իրենց ենթակայության հիմնարկների աշխատակիցներից պահանջում են` ժամանակավորապես հաշվառման վայրից դուրս գալ եւ ընդգրկվել տվյալ թեկնածուի տարածքի ընտրական ցուցակներում»,-նշեց Հովակիմյանը:
«Խնդրեմ եմ, որ ԿԸՀ-ն պարզաբանի ընտրողների համար, թե ինչպես են պաշտպանելու իրենց իրավունքները: Դա քրեորեն պատժելի արարք է։ ԿԸՀ-ին կոչ եմ անում հանդես գալ հայտարարությամբ»,-հավելեց Վահագն Հովակիմյանը:
«Ելք» դաշինքի ներկայացուցչի հայտարարությունը ԿԸՀ-ն ընդունեց ի գիտություն:
Կարդացեք նաև
Լուիզա ՍՈՒՔԻԱՍՅԱՆ
